തൃശൂര്: ആള്ക്കൂട്ടത്തിന്റെ മര്ദ്ദനത്തില് കൊല്ലപ്പെട്ട ആദിവാസി യുവാവ് മധുവിന്റെ മരണത്തില് മജിസ്ട്രേറ്റ്തല അന്വേഷണം നടത്തുമെന്ന് മന്ത്രി എ.കെ ബാലന് പറഞ്ഞു. മണ്ണാര്ക്കാട് മജിസ്ട്രേറ്റിനാണ് അന്വേഷണ ചുമതല.
നാളെ മധുവിന്റെ വീട് സന്ദര്ശിക്കുമെന്നും കുടുംബത്തിന് സര്ക്കാര് സഹായം നല്കുമെന്നും മന്ത്രി വ്യക്തമാക്കി. പ്രതികളുടെ വീഡിയോ ദൃശ്യങ്ങള് ലഭ്യമായതിനാല് ജുഡീഷ്യല് അന്വേഷണത്തിന്റെ ആവശ്യമില്ലെന്നും ഒരു കുറ്റവാളിയും രക്ഷപ്പെടില്ലെന്നും അദ്ദേഹം പറഞ്ഞു. കുറ്റക്കാര്ക്കെതിരെ കര്ശന നടപടി സ്വീകരിക്കുമെന്നും മന്ത്രി കൂട്ടിച്ചേര്ത്തു.
അതേസമയം സംഭവത്തില് അട്ടപ്പാടിയില് നാട്ടുകാർ പ്രതിഷേധിക്കുകയാണ്. മധുവിന്റെ മൃതദേഹവുമായി പോയ ആംബുലന്സ് നാട്ടുകാര് തടഞ്ഞു. യഥാര്ത്ഥ കുറ്റവാളികളെ അറസ്റ്റ് ചെയ്യുന്നതുവരെ പോസ്റ്റ് മോര്ട്ടം നടത്താന് സമ്മതിക്കില്ലെന്ന് പറഞ്ഞാണ് ആംബുലന്സ് തടഞ്ഞത്. പിന്നീട് പൊലീസ് ഇടപെട്ട് പ്രതിഷേധക്കാരെ അനുനയിപ്പിച്ച ശേഷം മൃതദേഹം തൃശൂര് മെഡിക്കല് കോളെജിലേക്ക് കൊണ്ടുപോയി.