പ്രതികൂല കാലാവസ്ഥയെത്തുടർന്ന് കൊച്ചി അന്താരാഷ്ട്ര വിമാനത്താവളത്തിൽ ഇറങ്ങേണ്ട രണ്ടു വിമാനങ്ങൾ തിരുവനന്തപുരത്ത് ഇറക്കി. കനത്ത മഴയും കാറ്റും മൂടൽമഞ്ഞും മൂലമാണ് ചൊവ്വാഴ്ച വിമാനങ്ങൾ കൊച്ചിയിൽ ഇറക്കാതെ തിരുവനന്തപുരം വിമാനത്താവളത്തിലേക്കു തിരിച്ചുവിട്ടത്. മസ്ക്കറ്റിൽനിന്നു പുറപ്പെട്ടു രാവിലെ 7.30 ന് കൊച്ചിയിൽ എത്തിയ ഒമാൻ എയർ വിമാനവും ചെന്നൈയിൽനിന്നു പുറപ്പെട്ട് 7.15നു കൊച്ചിയിൽ എത്തിയ ഇൻഡിഗോ എയർലൈൻസുമാണു തിരുവനന്തപുരത്തേക്കു തിരിച്ചുവിട്ടത്. തുടർന്നു കാലാവസ്ഥ അനുകൂലമായപ്പോൾ രാവിലെ പത്തോടെ ഇരുവിമാനങ്ങളും കൊച്ചി വിമാനത്താവളത്തിൽ തിരിച്ചെത്തി.