മുംബൈ: മഹാരാഷ്ട്ര ഉപമുഖ്യമന്ത്രി അജിത് പവാറിന് കോവിഡ് 19 സ്ഥിരീകരിച്ചു. അദ്ദേഹത്തെ ആശുപത്രിയില് പ്രവേശിപ്പിച്ചു. അസുഖ ബാധിതനായ വിവരം അദ്ദേഹം സാമൂഹ്യ മാധ്യമങ്ങളിലൂടെ അറിയിച്ചിട്ടുണ്ട്. തന്റെ ആരോഗ്യനില തൃപ്തികരമാണെന്നും അജിത് പവാര് വ്യക്തമാക്കി.
ബ്രീച്ച് കാന്റി ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. ഡോക്ടര്മാരുടെ നിര്ദേശത്തെ തുടര്ന്നാണ് ആശുപത്രിയിലേക്ക് മാറിയത്.
തന്റെ ആരോഗ്യനിലയെക്കുറിച്ച് കുറിച്ച് ജനങ്ങള്ക്കും പാര്ട്ടി പ്രവര്ത്തകര്ക്കും ആശങ്ക വേണ്ടെന്നും കുറച്ചുനാളത്തെ വിശ്രമത്തിന് ശേഷം പൊതുരംഗത്ത് തിരിച്ചെത്തുമെന്നും അദ്ദേഹം കൂട്ടിച്ചേര്ത്തു.
കഴിഞ്ഞ വ്യാഴാഴ്ച നടത്തിയ പരിശോധനയില് അദ്ദേഹത്തിന് ഫലം നെഗറ്റീവ് ആയിരുന്നു. ക്വാറന്റൈനില് തുടരവെ വീണ്ടും നടത്തിയ പരിശോധനയിലാണ് അസുഖം സ്ഥ്രീകരിച്ചത്. കോവിഡ് വ്യാപനം ഏറ്റവും രൂക്ഷമായി തുടരുന്ന സംസ്ഥാനമായ മഹാരാഷ്ട്രയില് ഇതുവരെ പതിനാല് മന്ത്രിമാര്ക്കാണ് രോഗം ബാധിച്ചത്.