ലണ്ടന്: 16-ാം വയസ്സില് തന്റെ 16 കാരിയായ ഭാര്യ 12 ആഴ്ച ഗര്ഭിണിയാണെന്ന കാര്യം സോഷ്യല് മീഡിയയിലൂടെ പുറംലോകത്തെ അറിയിച്ചിരിക്കുകയാണ് കോറണേഷന് സ്ട്രീറ്റിലൂടെ ശ്രദ്ധേയനായ നടന് അലക്സ് ബെയിന് .
അച്ഛനാകാൻ പോകുന്നതിന്റെ സന്തോഷമാണ് പയ്യന്താരം സോഷ്യല് മീഡിയയില് പങ്കുവച്ചത് എന്നതാണ് കൌതുകകരം. ബെയിന്റെ 16-കാരിയായ കാമുകി ലെവി സെല്ബിയും താന് ഗര്ഭിണിയാണെന്ന കാര്യം പുറത്തുവിട്ടിട്ടുണ്ട്. ഡിസംബര് എട്ടിനാണ് ഡെലിവറി ഡേറ്റെന്നും സില്ബി കുറിച്ചു.
കഴിഞ്ഞ 10 വർഷമായി കോറണേഷന് സ്ട്രീറ്റില് അഭിനയിക്കുകയാണ് താരം. താന് അച്ഛനാകാന് പോകുന്ന കാര്യം വളരെ സന്തോഷത്തോടെയാണ് സെറ്റിലുള്ളവരോടും സോഷ്യല് മീഡിയയിലും ബെയിന് പറയുന്നത്. പെൺകുട്ടിയുടെ വീട്ടുകാരും ഏറെ സന്തോഷത്തിലാണ്.
തീര്ന്നില്ല, ഇനിയുമുണ്ട് കൌതുകം . മകളുടെ സ്കാന് റിപ്പോര്ട്ടിന്റെ ചിത്രം പ്രൊഫൈല് പിക്ച്ചറാക്കി മാറ്റിയാണ് അമ്മ ജൂഡിത്ത് കാല്വെര്ട്ട് ഇതിനെ സ്വാഗതം ചെയ്തത്.
സെല്ബിയെയും ബെയിനെയും അഭിനന്ദിച്ചുകൊണ്ട് അമ്മായിയായ ട്രേസി ആദംസും ഫെയ്സബുക്കില് പോസ്റ്റ് ഷെയര് ചെയ്തു.