അലിഫ് സ്കൂള്‍ ലിംഗോ ഡ്രമാറ്റിക്സ് 2018

റിയാദ്: റിയാദ് അലിഫ് ഇൻറര്‍നാഷണല്‍ സ്കൂളില്‍ പാഠൃ പദ്ധതിയുടെ ഭാഗമായി നടന്നു വരുന്ന ലിംഗോ ഡ്രമാറ്റിക്സിന്‍റെ വാര്‍ഷികാഘോഷം സമുചിതമായി നടത്തപ്പെട്ടു. ഭാഷാപഠനം രസകരവും എളുപ്പവുമാക്കാന്‍ മൂന്ന് മുതല്‍ എല്ലാ ക്ലാസുകളിലും ഭാഷാപാഠങ്ങള്‍ കുട്ടികള്‍ നാടകമായി അവതരിപ്പിക്കുന്ന പരിപാടിയാണ് ലിംഗോ ഡ്രമാറ്റിക്സ്.

അഭിനയം ആശയവിനിമയത്തിന്‍റെ വാചികവും അവാചികവുമായ ഘടകങ്ങളെ സംയോചിപ്പിക്കും. ഭാഷാ നിപുണതകള്‍ സ്വയത്തമാക്കുന്ന കാര്യത്തില്‍ കുട്ടികള്‍ ഈ പദ്ധതിയിലൂടെ അഭൂത പൂര്‍വ്വമായ പുരോഗതിയാണ് കൈവരിക്കുന്നത് എന്ന് പ്രിന്‍സിപ്പല്‍ മുഹമ്മദ്‌ മുസ്തഫ  പറഞ്ഞു. സ്കൂള്‍ ഹെഡ്മിസ്ട്രെസ്സ്‌ ഡോ: ഡൈസമ്മ ജേക്കബ്‌ വാര്‍ഷികാഘോഷത്തിന് ആമുഖ ഭാഷണം നടത്തി. കോഡിനേറ്റര്‍ മിസ്സിസ് ഡാലിയ ഷബീര്‍ പരിപാടികള്‍ നിയന്ത്രിച്ചു.