പാറ്റ്ന: ചൊവ്വാഴ്ച രാവിലെ എട്ടിനു തുടങ്ങിയ ആകാംഷയ്ക്കും നെഞ്ചിടിപ്പിനും വിരാമമിട്ട് ബിഹാറില് എന്ഡിഎയ്ക്ക് അധികാരത്തുടര്ച്ച. ആകെയുള്ള 243 സീറ്റുകളില് 125 എണ്ണം നേടിയാണ് എന്ഡിഎ വിജയം നേടിയത്.
ബുധനാഴ്ച പുലര്ച്ചെയാണ് തെരഞ്ഞെടുപ്പ് കമ്മീഷനെ ഉദ്ധരിച്ച് വിവിധ വാര്ത്താ ഏജന്സികള് ഇക്കാര്യം റിപ്പോര്ട്ട് ചെയ്തത്.
ബിജെപി- 74, ജെഡിയു- 43, വിഐപി- 4, എച്ച്എഎം- 4 എന്നിങ്ങനെയാണ് എന്ഡിഎയുടെ സീറ്റ് നില. വിശാല സഖ്യത്തിന് 110 സീറ്റുകളിലാണ് വിജയം നേടാനായത്. ആര്ജെഡി- 75, കോണ്ഗ്രസ്- 19, ഇടത്- 16 എന്നിങ്ങനെയാണ് സീറ്റ് നില. അസദുദീന് ഒവൈസിയുടെ എഐഎംഐഎം അഞ്ചു സീറ്റുകളിലും ബിഎസ്പി, ചിരാഗ് പസ്വാന്റെ എല്ജെപി എന്നീ പാര്ട്ടികള് ഓരോ സീറ്റിലും വിജയിച്ചു.