കുവൈറ്റ് : മാവേലിക്കര ബിഷപ്പ് മൂർ കോളേജ് പൂർവ്വവിദ്യാർത്ഥി സംഘടനയുടെ ആഭിമുഖ്യത്തിൽ ജൂൺ 8, വെള്ളിയാഴ്ച്ച വൈകിട്ട് 7.30-ന് അബ്ബാസിയ പോപ്പിൻസ് ഓഡിറ്റോറിയത്തിൽ കുടുംബസംഗമം സംഘടിപ്പിച്ചു.
അലുമ്നി അസ്സോസിയേഷൻ പ്രസിഡണ്ട് ജെറി ജോൺ കോശി അദ്ധ്യക്ഷത വഹിച്ച സംഗമത്തിന്റെ ഉത്ഘാടനം ലോക കേരള സഭാ അംഗവും, സാമുഹ്യപ്രവർത്തകനുമായ സാം പൈനുംമൂട് നിർവ്വഹിച്ചു.
സെക്രട്ടറി ജോബിൻ ബാബു സ്വാഗതവും, ജോ. സെക്രട്ടറി ധ്യന്യാലക്ഷ്മി നന്ദിയും പ്രകാശിപ്പിച്ചു. സാമൂഹ്യ-സാംസ്ക്കാരിക പ്രവർത്തകരും പൂർവ്വവിദ്യാർത്ഥികളുമായ ബാബുജി ബത്തേരി, മനോജ് മാവേലിക്കര, രക്ഷാധികാരി അനിൽ കുമാർ രവി, ട്രഷറാർ മാത്യൂ കരൂർ എന്നിവർ പ്രസംഗിച്ചു. ലോക കേരള സഭാംഗമായി തെരഞ്ഞെടുക്കപ്പെട്ട പൂർവ്വവിദ്യാർത്ഥി സാം പൈനുംമൂടിനെ യോഗത്തിൽ ആദരിക്കുകയുണ്ടായി.
സംഗമത്തിനോടനുബന്ധിച്ച് നടന്ന വിവിധ കലാപരിപാടികൾക്ക് പൗർണ്ണമി സംഗീത്, ശ്യാം ശിവൻ, ഫ്രാൻസിസ് ചെറുകോൽ എന്നിവർ നേതൃത്വം നൽകി.