ടെക്സസ്: കേരളത്തിന്റെ മുന് രഞ്ജി ട്രോഫി ക്രിക്കറ്റ് താരമായ ഡോ. സി.കെ. ഭാസ്കരന് (79) അന്തരിച്ചു. കേരളത്തില് നിന്ന് ആദ്യമായി ഇന്ത്യന് ടെസ്റ്റ് ടീമില് കളിച്ച താരമാണ് സി.കെ. ഭാസ്കരന് എന്ന ചന്ദ്രോത്ത് കല്യാടന് ഭാസ്കരന്.
സിലോണിനെതിരെ 1965ലായിരുന്നു അനൗദ്യോഗികമായ ആ മത്സരം. അന്ന് സിലോണിന് (ഇന്നത്തെ ശ്രീലങ്ക) ടെസ്റ്റ് പദവി ഇല്ലാതിരുന്നു.
തലശേരിക്കാരനായ ഭാസ്കരന് 1957 മുതല് 1966 വരെ രഞ്ജി ട്രോഫിയിലെ സ്ഥിരം സാന്നിധ്യമായിരുന്നു. 16-ാം വയസിലായിരുന്നു ഈ വലംകൈ മീഡിയം പേസര് കേരളത്തിനായി അരങ്ങേറിയത്. 1966 മുതല് 1969വരെ മദ്രാസിനായും കളിച്ചു.