follow us

1 USD = 64.471 INR » More

As On 22-07-2017 12:34 IST

തോഴിയുടെ അന്തപ്പുര മോഹങ്ങള്‍ എത്തിയത് രാജ്ഞിപട്ടത്തില്‍ ! ഒടുവില്‍ മനം കവര്‍ന്ന തോഴി ജീവനും കവര്‍ന്നോ ? അമ്മയുടെ മരണം ഒരു ഫ്ലാഷ് ബാക്ക് @

ദാസനും വിജയനും » Posted : 17/12/2016

2016 മെയ്‌മാസം 12 -)0 തിയ്യതി തമിഴ്‌നാട്ടിലെ തിരുപ്പൂർ ജില്ലയിൽ വെച്ച് 570 കോടികൾ നിറച്ച മൂന്ന് കണ്ടെയ്നർ ലോറികൾ തമിഴ്‍നാട് ഇലക്ഷൻ കമ്മീഷൻ പിടിച്ചെടുത്തു. ഉടമസ്ഥൻ ഇല്ലാത്ത ഈ മുതലിന് പിന്നീട് പെട്ടെന്ന് ആരോ പറഞ്ഞുവിട്ട പ്രകാരം സ്റ്റേറ്റ് ബാങ്ക് ഓഫ് ഇന്ത്യ വന്നു പണവുമായി കടന്നു .

ഇവിടെയാണ് തിരക്കഥയുടെ ആരംഭം . മൈസൂര്‍ മാണ്ട്യയിലെ ഒരു സാധാരണ ബ്രാഹ്മണ കുടുംബത്തിൽ പിറന്ന കുമാരി ഡോക്ടർ ജയലളിതാമ്മയും തമിഴ്‌നാട്ടിലെ തിരുത്തൂറൽ പൂണ്ടി എന്ന കുഗ്രാമത്തിൽ ജനിച്ചു മന്നാർഗുഡിയിലേക്ക് പറിച്ചുനട്ട ശശികല എന്ന ഒരുറ്റ തോഴിയും തമ്മിലുള്ള പ്രണയകഥ തുടങ്ങുന്നതും ഇന്ത്യൻ സിനിമകളിൽ പ്രണയ വസന്തമായിരുന്ന 80 കളിലാണ് .



കടലൂർ ജില്ലാ കളക്ടറായിരുന്ന നടരാജൻ എന്ന ശശികലയുടെ ഭർത്താവുദ്യോഗസ്ഥൻ പിന്നീട് ജോലി നഷ്ടമായപ്പോൾ അന്നത്തെ കളക്ടർ ചന്ദ്രലേഖയുടെ സഹായ പ്രകാരം തമിഴ്‌നാട് സർക്കാരിന്റെ പബ്ലിക് റിലേഷൻസ് ഉദ്യോഗസ്ഥനായി . ഈ സമയം കളക്ടർ ചന്ദ്രലേഖയും എംജിആറും ജയലളിതയും തമ്മിൽ വളരെ നല്ല അടുപ്പത്തിൽ ആയിരുന്നു .

നടരാജന്റെ ജോലി നഷ്ടപ്പെട്ട സമയത്ത് ജീവിക്കുവാനായി ചിന്നമ്മ ശശികല ഒരു വീഡിയോ റിക്കോർഡിങ് യുണിറ്റ് തുടങ്ങുകയും ചന്ദ്രലേഖയുടെ സഹായത്താൽ അന്നത്തെ മുഖ്യമന്ത്രിയായിരുന്ന എംജിആറിന്റെ മനസ്സാക്ഷി സൂക്ഷിപ്പുകാരിയായിരുന്ന ജയലളിതയുടെ അടുത്തെത്തുവാനും അവരുടെ ഇവന്റുകളിലും കല്യാണങ്ങളിലും വീഡിയോ എടുക്കുവാനുമുള്ള സാഹചര്യം ഉണ്ടാക്കിയെടുത്തു .

തോഴി കവര്‍ന്ന ജീവിതവും ജീവനും !



ആ ബന്ധം അങ്ങനെ അങ്ങനെ വളർന്നു വളർന്നു ആകാശത്തോളം ഉയർന്നു . പിന്നെ പിന്നെ ഇടക്കിടയ്ക്ക് തോഴിയെ തൊഴിക്കുകയും പിന്നീട് തൊഴുകയും ഒക്കെ ചെയ്തുകൊണ്ട് ഇക്കാലമത്രയും ജനങ്ങളുടെ കണ്ണിൽ പൊടി ഇട്ടുകൊണ്ട് മുന്നോട്ട് പോയി. ലെസ്ബിയൻ ബന്ധങ്ങൾ എന്നുവരെ പലരും ഉള്ളിൽ പറഞ്ഞപ്പോൾ അതിനുമപ്പുറം ബ്ലാക്ക് മാജിക്കിന്റെ സഹായത്താൽ കാണിക്കുന്ന ബന്ധങ്ങളാണ് എന്നും പലരും പറഞ്ഞു.

എന്തൊക്കെ പറഞ്ഞാലും വാളെടുത്തവൾ വാളാൽ എന്ന് പറയുന്നത് പോലെ മിണ്ടിയാൽ വാളെടുക്കുന്ന തേവർ ജാതിയുടെ അരുമശിഷ്യയായ ശശികലയുടെ സഹായം കൊണ്ടാണ് ഇത്തവണ രണ്ടാം പ്രാവശ്യവും ജയലളിത അധികാരം പിടിച്ചതെന്നാണ് മന്നാർഗുഡിയിലെയും ബോഡി നായ്ക്കന്നൂരിലെയും ഉസിലാംപെട്ടിയിലേയും ആണ്ടിപ്പെട്ടിയിലെയും തലമൂത്ത തേവർമക്കൾ പാടി നടക്കുന്നത് . അതിന്റെ ഉപകാര സ്മരണയെന്നോണം ഒന്‍പത് മന്ത്രിമാരാണ് ആ കുലത്തിൽനിന്നും തമിഴകം ഭരിക്കുന്നത് .

സ്വൽപ്പം ഫ്‌ളാഷ് ബാക്ക്



1989 ൽ പ്രതിപക്ഷനേതാവാകുകയും 1991 ൽ വൻഭൂരിപക്ഷത്തോടെ മുഖ്യമന്ത്രിയാവുകയും ചെയ്തപ്പോൾ ഇന്ത്യൻ രാഷ്ട്രീയത്തിൽ ഇന്ദിരാഗാന്ധിക്ക് ശേഷം ഒരു ഉരുക്കുവനിത കൂടി ജനിക്കുകയായിരുന്നു. ആ ഉരുക്കുവനിതക്ക് കൂട്ടിനായി പ്രിയതോഴി ശശികലയും.

ഇവരുടെ സമവാക്യം തമിഴ് നാട് രാഷ്ട്രീയത്തിൽ ഒട്ടേറെ പുതുമയുള്ള അഴിമതികൾക്ക് വഴി ഒരുക്കുകയായിരുന്നു. കൊടൈക്കനാലിലെ പ്ലസന്റ് സ്റ്റേ മുതൽ കുളിരണിഞ്ഞ ഊട്ടിയിലെ കോത്തഗിരി മൊത്തമായും ചില്ലറയായും ഈ സഖ്യം കയ്യടക്കി .

ഇഷ്ടപ്പെട്ട സ്വത്തുവകകളും എസ്റ്റെറ്റുകളും ആദ്യം ഒരു ആളെ വിട്ട് ചോദിക്കുകയും അത് കിട്ടാതെ വന്നാൽ പിന്നെ ലോറിക്ക് ആളുകളെ ഇറക്കി പൊളിച്ചടുക്കുകയും പിടിച്ചെടുക്കുകയും ചെയ്യുന്ന ഒരു ജ്യുത സംസ്കാരം ഉടലെടുത്തപ്പോൾ മീഡിയയും , പാർട്ടിക്കാരും അണികളും ഈ സഖ്യത്തെ കൈവിട്ടു.

പിടിച്ചതിനേക്കാൾ വലുത് മാളത്തിലെന്ന് പറഞ്ഞതുപോലെ പിന്നീട് വന്ന കലൈഞ്ജരും മക്കളും ഇക്കാര്യത്തിൽ ഒട്ടും മോശമല്ല എന്ന് വന്നപ്പോൾ ജനം പുരട്ചി തലൈവിയെ വയസു മറന്ന് "അമ്മ" എന്ന് വാഴ്‌ത്തിയപ്പോൾ തൊട്ടടുത്ത് ആരും അറിയാതെ മറ്റൊരു ചിന്നമ്മ വളരുകയായിരുന്നു .

ചിന്നമ്മ എന്നാല്‍ നരസിംഹറാവുവിനെ വരുതിയിലാക്കാൻ
സുകന്യ എന്ന നടിയെ ഫീൽഡിൽ ഇറക്കിയ കുടില ബുദ്ധി




ക്രൂരതയും ചതിക്കളികളും കൈമുതലാക്കിയ ചിന്നമ്മ ഒരിക്കൽ നരസിംഹറാവുവിനെ വരുതിയിലാക്കുവാൻ സുകന്യ എന്ന നടിയെ ഫീൽഡിൽ ഇറക്കി നരസിംഹറാവുവിന്റെ മകനെ കെണിയിൽ കുടുക്കിയതെല്ലാം ആരും മറന്നു കാണില്ല.

ഒരുകാലത്ത് അമ്മയുടെ രണ്ടാമൻ എന്നറിഞ്ഞിരുന്ന ഷെങ്കോട്ടയ്യനെ ഒതുക്കുവാൻ മൈസൂരിൽ ഒരു ചിന്നവീട് സെറ്റ് അപ്പ് ചെയ്യുകയും അത് അതുപോലെതന്നെ ചെങ്കോട്ടയ്യന്റെ ഭാര്യയെ അറിയിക്കുകയും ഭാര്യയെക്കൊണ്ട് ജയലളിതയെ അറിയിക്കുകയും അങ്ങേരുടെ രണ്ടാം സ്ഥാനം മാത്രമല്ല രാഷ്ട്രീയ ജീവിതം തന്നെ ഇല്ലാതാക്കുകയും ചെയ്തപ്പോൾ ഒരു കാര്യം ചിന്തിക്കാതെ വയ്യ .

ലോകം മുഴുവൻ നേതാക്കളെയും സെലിബ്രിറ്റികളെയും പെണ്ണുകേസിലും മറ്റും കുടുക്കി നശിപ്പിച്ചിരുന്നതും അല്ലാത്തവരെ വിഷം കഴിപ്പിച്ചും കുത്തിവെച്ചും ശ്വസിപ്പിച്ചും ഒക്കെ ചെയ്തുപോന്നിരുന്നത് ജ്യുത വംശജരായിരുന്നു . ഇപ്പോൾ ഇവിടെയും സമാനതകളുള്ള ചതി പ്രയോഗങ്ങളാണ് കണ്ടുവരുന്നത് .

ഇത്രയും അധികം പണം കയ്യിൽവെച്ചിട്ട് ഒരു പ്രയോജനം ഇല്ലാതെ, ആർക്കും ഉപയോഗിക്കുവാൻ ആകാതെ ഇരിക്കുന്നത് കാണുമ്പോൾ ആ യഹൂദി ലോബിയുടെ കച്ചവട താത്പര്യങ്ങൾ കണ്ടുകൂടെന്ന് നടിക്കുവാൻ ആർക്കും ആവില്ല. അങ്ങനെ വരുമ്പോൾ ലെഡും പൊളോണിയവും ഒക്കെ ഭക്ഷണത്തോടോപ്പവും അല്ലാതെയും ശരീരത്തിന്റെ ഉള്ളറയിൽ എത്തിക്കുവാൻ മറ്റുവഴികൾ തരപ്പെടുകയും ചെയ്യുന്നു .

ജയിലിൽ അടക്കപ്പെട്ടതിന് ശേഷം എന്തും എപ്പോഴും ആർക്കും വരാമെന്ന് ഉറപ്പിലായതോടെ സ്വത്തു വകകൾ ഒക്കെയും വിറ്റുകൂട്ടിയും സ്വരൂപിച്ചും കോത്തഗിരിയിലെ അറകളിൽ സൂക്ഷിച്ചു വെച്ചു . കേസിൽ നിന്നും ഇറക്കുവാൻ ആയിരം കോടിയോളം ഇറക്കിയെന്നാണ് കേട്ട് കേൾവി .

നടി രഞ്ജിതയുടെ കാമുകന്‍ നിത്യാനന്ദയുടെ
പൂട്ടഴിക്കാന്‍ വാങ്ങിയത് 50 കോടി




എങ്ങനെ ഇങ്ങനെ സ്വത്ത് വരുന്നു എന്നതും എല്ലാവർക്കും സംശയം ജനിക്കാം. നമ്മുടെ ബാംഗ്ലൂരിലെ നിത്യാനന്ദയെ രഞ്ജിതയുമായി മുറിക്കുള്ളിൽ പൂട്ടിയപ്പോൾ അദ്ദേഹത്തിൻറെ ചെന്നൈയിലെ സ്വത്തുവകകൾ സർക്കാർ കണ്ടുകെട്ടി. ഇക്കാര്യം അമ്മയെ കണ്ടു സംസാരിക്കുവാൻ അരമണിക്കൂർ കൂടിക്കാഴ്ചയ്ക്ക് പണം 50 കോടിരൂപ ശശികലയുടെ മധ്യസ്ഥതയിൽ വാങ്ങി എടുത്തു .

അതുപോലെ ഓരോ കരാറുകാരനും ഓരോ കരാറിനും നിശ്ചിത തുക അമ്മക്ക് നൽകണം . ഏകദേശം 20000 കോടിയോളം പണമായി കോത്തഗിരിയിൽ സൂക്ഷിക്കുകയും ഇലക്ഷന് ഒരാഴ്ച മുമ്പ് "അമ്മ തിരഞ്ഞെടുപ്പിൽ തിരിച്ചു വരില്ലെന്ന് വടക്കേ ഇന്ത്യയിലെ ഏതോ മണ്ടൻ ചാനൽ പ്രക്ഷേപണം ചെയുകയും കേന്ദ്ര ഇന്റലിജൻസ് റിപ്പോർട്ട് തനിക്കു എതിരാണെന്ന് മനസ്സിലാക്കുകയും ചെയ്ത" അമ്മ ഈ പണം 13 കണ്ടെയിനർ ലോറികളിൽ ബാംഗ്ലൂരിലെ രഹസ്യ കേന്ദ്രത്തിലേക്ക് മാറ്റുവാൻ തീരുമാനിക്കുകയും ചെയ്തുവെന്ന് കേട്ടുകേള്‍വി .

ഈ നീക്കത്തിനിടയിൽ ഒറ്റുകാരെ പേടിച്ചു 3 കണ്ടെയിനർ കേന്ദ്രസർക്കാരിന് റെയ്ഡ് നാടകത്തിലൂടെ കൊടുക്കുകയും ചെയ്തു . കേന്ദ്രം വളരെ ഭംഗിയായി അത് സ്റ്റേറ്റ് ബാങ്കിന്റേതാണെന്ന് പ്രഖ്യാപിക്കുകയും ചെയ്തു . ഈ ഗ്യാപ്പിനുള്ളിൽ ബാക്കി 10 കണ്ടെയിനർ ലോറികൾ സുരക്ഷിതമായി ശശികലയുടെ മേൽനോട്ടത്തിൽ ബാംഗ്ളൂരിൽ എത്തുകയും ചെയ്തു . ഈ പണമാണ് ശശികലയുടെയും ഗുണ്ടാ സംഘത്തിന്റെയും ഉറക്കം കെടുത്തിയിരുന്നത് .

അമ്മയുടെ ആയുസ് നീണ്ടാല്‍ ചെന്നമ്മയ്ക്ക്
എന്ത് പ്രയോജനം ? അല്ലെങ്കിലോ അനന്തരാവകാശം
?




ഇങ്ങനെ പോയാൽ കലൈജ്ഞരെപ്പോലെ അമ്മയും ഓരോരോ വൃക്കയും കരളും രക്തവും ഹൃദയവും ഒക്കെ മാറ്റിവെച്ചുകൊണ്ട് 95 -100 വയസുവരെ ഇങ്ങനെ മുഖ്യമന്ത്രിയായി ജീവിച്ചാൽ താനും മക്കളും അനുചരന്മാരും വഴിയാധാരമാകും എന്നുള്ള ഉറച്ച വിശ്വാസമാണ് ശശികലയെ ഇങ്ങനെ ഒരു കൊടും കൃത്യം ചെയ്യുവാൻ പ്രേരിപ്പിച്ചിട്ടുമുണ്ടാകുക .

അല്ലാതെ ഇത്രയും സൗകര്യം ലോകം മുഴുവനും ലഭിക്കുന്ന സാഹചര്യത്തിൽ അവിടേക്കൊന്നും കൊണ്ടുപോകാൻ ശ്രമിക്കാതെ ചുമ്മാ അപ്പോളോയിൽ സമയം കളഞ്ഞു കൊണ്ട് ഒരു വിലപ്പെട്ട ജീവനെ ഇങ്ങനെ അമ്മാനമാടുവാൻ തീരുമാനിക്കില്ല .

രജനിക്കും അതുപോലെ ബച്ചനും ഒക്കെ കാര്യമായ അസുഖങ്ങൾ വന്നപ്പോൾ എന്തിനധികം സോണിയാജിക്കും മൻമോഹനും ഒക്കെ അസുഖങ്ങൾ വന്നപ്പോൾ അമേരിക്കയിലും ലണ്ടനിലും ഒക്കെ ചികിത്സിച്ചു മാറ്റാം എങ്കിൽ ഇത്രയും പണമുള്ള അമ്മയെ അവരെന്തേ ഇങ്ങനെ ചെയ്തു ?

നമ്മുടെ തിരൂരങ്ങാടിക്കാരൻ ജോത്സ്യൻ ഉണ്ണികൃഷ്ണനും തിരുപ്പതിയിലെ ഭസ്മം കൊണ്ടുവന്ന പൂജാരിക്കും ഇക്കാര്യം ഉപദേശിക്കാമായിരുന്നില്ലേ ? ആദ്യ ചികിത്സക്ക് ശേഷം ബോധം വരികയും പിന്നീട് പെട്ടെന്ന് കാണുവാൻ പാടില്ലാത്ത ഒരാളെ കണ്ടതുകൊണ്ടാണ് ഹൃദയം നിലച്ചതും എന്നൊക്കെ തമിഴ് മാധ്യമങ്ങൾ റിപ്പോർട്ട് ചെയ്യുമ്പോൾ ഇവിടെ ഒരു കാര്യം അന്വേഷിക്കണം.

അമ്മയുടെ വിരലുകൾ കൊണ്ട് ഒപ്പുവെച്ച എല്ലാ പ്രമാണങ്ങളും പിടിച്ചെടുക്കണം. അതുപോലെ കഴിഞ്ഞ തിരഞ്ഞെടുപ്പിൽ കണക്കു കാണിച്ച 118 കോടിയുടെ സ്വത്തുവകകൾ ഒഴിച്ച് ബാക്കിയൊക്കെ പാവപ്പെട്ടവകർക്ക് വീതിക്കുക . അപ്പോൾ ഈ പണത്തിനുവേണ്ടി കളിച്ചവരുടെ തനിസ്വരൂപം പുറത്തുവരാം .

പിന്നെ മറ്റൊരു സംശയം ജനിപ്പിക്കുന്ന വസ്തുത ഇവിടെ പറയാതെ വയ്യ. തമിഴ്‌നാട്ടിലെ ഓരോ രാഷ്ട്രീയ തിരയിളക്കങ്ങളും നേരാം വണ്ണം അന്വേഷിച്ചുകൊണ്ട് ജനങ്ങൾക്ക് സത്യസന്ധമായ വാർത്തകൾ നൽകിയിരുന്ന മുഹമ്മദ് ബിൻ തുഗ്ലക്ക് എന്നറിയപ്പെട്ടിരുന്ന ചോ രാമസ്വാമിയുടെ മരണം ഇതോടൊപ്പം സംഭവിച്ചതിൽ എന്തൊക്കെയോ ദുരൂഹത പിന്നെയും മണക്കുന്നു.

അതും അതേ ആശുപത്രിയില്‍. അമ്മയുടെ മരണത്തിനു മണിക്കൂറുകള്‍ക്കകം . ചിന്നമ്മയുടെ ഏറ്റവും കരുത്തനായ ശത്രുവാണ് അതോടെ അസ്തമിച്ചത് . ഇദ്ദേഹത്തിന്റെ മരണകാരണവും ആരോഗ്യ പ്രശ്നങ്ങളും എല്ലാം മറ്റുള്ള മീഡിയകൾ അന്വേഷിച്ചു കൊണ്ടുവരേണ്ടത് ഇന്ത്യയുടെ ആവശ്യമാണ്. ഈ കാലഘട്ടത്തിന്റെ ആവശ്യമാണ്. നന്മയുടെ ആവശ്യമാണ്.

ആയതിനാൽ എന്ത് വിലകൊടുത്തും ഇത്തരം എളുപ്പവഴികളിലൂടെയുള്ള അധികാരം ഒരിക്കലും അംഗീകരിച്ചു കൊടുക്കുവാൻ ആകില്ലെന്ന് ഉറപ്പിച്ചു പറഞ്ഞുകൊണ്ട്,

മറീന ബീച്ചിലെ എംജിആർ, അമ്മ സ്മൃതിമണ്ഡപത്തിൽ നിന്നും ദാസനും,
ലീജിയൻ ഹാക്കിങ് സെന്ററിൽ നിന്നും വിജയനും






:) Your LIKE & SHARE can do More Than You Think !

More News

:( » © Sathyam Online.Com » 2011 - 2017. All Rights Reserved » Powered By : DesignMedia.in - Google+