അമേരിക്ക ആകെ തണുത്തുറഞ്ഞു. നദികളെല്ലാം ഐസ് പാളികളായി മാറി. ജനജീവിതം തന്നെ ദുസ്സഹമായി മാറി. സര്വ റിക്കാര്ഡുകളും തകര്ത്ത് ശൈത്യം മുന്നേറുമ്പോള് ആസ്ത്രേലിയയിലെ സിഡ്നിയില് ഇന്നലെ 49 ഡിഗ്രി റിക്കാര്ഡ് ചൂടാണ് രേഖപ്പെടുത്തിയിരിക്കുന്നത്..
യൂറോപ്പ് ,കാനഡ, അമേരിക്ക ,ഗള്ഫ്, ഉത്തരേന്ത്യയെല്ലാം കൊടും ശൈത്യത്തിന്റെ പിടിയലാണ്. ഷിക്കാഗോയില് മൈനസ് 50 ഡിഗ്രി തണുപ്പെന്നത് 80 വര്ഷം പഴക്കമുള്ള റിക്കാര്ഡാണ്. ഇതുവരെ അതി ശൈത്യം മൂലം 22 പേരാണ് യൂറോപ്പിലും അമേരിക്കയിലുമായി മരണപ്പെട്ടത്.
ഇതിനു നേരെ വിപരീതമായി ആസ്ത്രേലിയയില് താപനില അടിക്കടി ഉയരുകയാണ്.. 50 ഡിഗ്രി ചൂടെന്നതും 79 വര്ഷം പഴക്കമുള്ള റിക്കാര്ഡാണ്. ചൂട് ഇനിയും വര്ദ്ധിക്കാനും അതുവഴി കാട്ടുതീ പടരാനുമുള്ള സാദ്ധ്യത കണക്കിലെടുത്ത് സിഡ്നിയില് ഫയര് അലര്ട്ട് പ്രഖ്യാപിച്ചിരി ക്കുകയാണ്.