ഒരു നാടിനെ മുഴുവന്‍ സങ്കടത്തിലാക്കിയ സംഭവം കണ്ടവര്‍ക്കും അറിഞ്ഞവര്‍ക്കും കണ്ണീരടക്കാനായില്ല... അത്ര ദാരുണമായിരുന്നു ദൃശ്യങ്ങള്‍.
ബീഹാറിലെ സഹര്‍സ, ജി.ബി റോഡില്‍ താമസക്കാരനായ സന്തോഷ്‌ ജയിസ്വാളിന്‍റെ 9 വയസ്സുള്ള മകന്‍ 'ചിരാഗ്' നെ മൂന്നു ദിവസമായി കാണാനില്ലായിരുന്നു. ഇക്കഴിഞ്ഞ വ്യാഴാഴ്ച രാവിലെ റെയില്‍വേ ട്രാക്കിനടുത്തുള്ള കുളത്തില്‍ അവന്‍റെ മൃതദേഹം കണ്ട ആളുകളാണ് വീട്ടില്‍ വിവരമറിയിച്ചത്...
/ "publive-image")
സന്തോഷ്‌ ജയിസ്വാല്‍ വീട്ടിലില്ലായിരുന്നു. എന്നാല്‍ സഹോദരന്‍ മരണപ്പെട്ട വിവരം കേട്ടപ്പാടെ മൂന്നു സഹോദരിമാരും വീട്ടില്‍നിന്ന് അലറിവിളിച്ചുകൊണ്ട് കുളത്തിലേക്ക് പാഞ്ഞു. കുളത്തില്‍ അനുജന്‍റെ മൃതദേഹം കണ്ടതും ആളുകള്‍ നോക്കിനില്‍ക്കേ സഹോദരിമാര്‍ മൂവരും ആ കുളത്തിലേക്ക് ചാടി..
കുളത്തില്‍ ഹൈ ടെന്‍ഷന്‍ ഇലക്ട്രിക് ലൈന്‍ പൊട്ടിവീണ് കിടന്നത് ആരുമറിഞ്ഞിരുന്നില്ല. ആള്‍ക്കാര്‍ കാണ്‍കെ സഹോദരനൊപ്പം മൂന്നു സഹോദരിമാരും കുളത്തില്‍ത്തന്നെ തല്‍ക്ഷണം പിടഞ്ഞുമരിച്ചു..
വിവരമറിഞ്ഞു പോലീസും അഗ്നിശമനസേനയും ,വൈദ്യുതി വകുപ്പിലെ ഉദ്യോഗസ്ഥരുമെത്തി. മൃതദേഹങ്ങള്‍ കരയ്ക്കെടുത്തപ്പോഴേക്കും ജനങ്ങള്‍ കൂട്ടത്തോടെ വിലപിക്കുകയായിരുന്നു.
ചിലര്‍ അക്രമാസക്തരായി. ഉദ്യോഗസ്ഥരുടെ വാഹനങ്ങള്‍ ആക്രമിക്കുകയും റോഡുപരോ ധിക്കുകയും ചെയ്തു.
നാടിനെയാകെ കണ്ണീരിലാഴ്ത്തിയ ഈ കൂട്ടമരണമേല്‍പ്പിച്ച ആഘാതത്തില്‍നിന്ന് വീട്ടുകാരെപ്പോലെതന്നെ നാടും നാട്ടുകാരും ഇപ്പോഴും വിമുക്തരായിട്ടില്ല..
Follow Us/sathyam/media/agency_attachments/5VspLzgrB7PML1PH6Ix6.png)
