സിഡ്നി: അഫ്ഗാനിസ്ഥാൻ സ്പിന്നർ മുജീബുർ റഹ്മാന് കോവിഡ് സ്ഥിരീകരിച്ചു. ബിഗ് ബാഷ് ലീഗ് കളിക്കാനായി ഓസ്ട്രേലിയയിൽ എത്തിയപ്പോൾ നടത്തിയ പരിശോധനയിലാണ് രോഗബാധ സ്ഥിരീകരിച്ചത്.
കഴിഞ്ഞ ആഴ്ചയാണ് താരം കാബൂളിൽ നിന്ന് ഓസ്ട്രേലിയയിൽ എത്തുന്നത്. ബ്രിസ്ബേൻ ഹീറ്റിനുവേണ്ടിയാണ് താരം കളിക്കുന്നത്. ചെറിയ രോഗലക്ഷണങ്ങൾ പ്രകടിപ്പിച്ച താരത്തെ ക്വീൻസ്ലൻഡിലുള്ള സ്വകാര്യ ആശുപത്രിയിൽ പ്രവേശിപ്പിച്ചു.
പത്തൊമ്ബതുകാരനായ മുജീബ് നിലവിൽ ലോക രണ്ടാം നമ്ബർ ട്വൻറി-20 ബൗളറാണ്.