അച്ഛന്‍ വെടിയേറ്റു മരിച്ചു; ശ്രീലങ്കന്‍ താരം പരമ്പര ഉപേക്ഷിച്ച് നാട്ടിലേക്ക് മടങ്ങി

കൊളംബോ: ശ്രീലങ്കന്‍ താരം ധനഞ്ജയ ഡിസില്‍വയുടെ അച്ഛന്‍ വെടിയേറ്റു മരിച്ചതിനെ തുടര്‍ന്ന് താരം പരമ്പര ഉപേക്ഷിച്ച് നാട്ടിലേക്ക് മടങ്ങി. പ്രാദേശിക രാഷ്ട്രീയക്കാരനായ രഞ്ജനാണ് മരിച്ചത്. ഇന്നലെ രാത്രിയോടെയാണ് സംഭവം. ശ്രീലങ്കന്‍ ബാറ്റ്‌സ്മാനാണ് ധനഞ്ജയ.

അജ്ഞാത സംഘം രഞ്ജനെ വെടിവെച്ച് ഓടിരക്ഷപ്പെടുകയായിരുന്നു. കൊലപാതകവുമായി ബന്ധപ്പെട്ട് അന്വേഷണം നടക്കുകയാണ്. കൊലപാതകത്തില്‍ ഇതുവരെ ആരെയും പിടികൂടിയിട്ടില്ല.

വിന്‍ഡീസിനെതിരെ മൂന്ന് ടെസ്റ്റ് മത്സരങ്ങളുടെ പരമ്പര കളിക്കാനാണ് ശ്രീലങ്ക പുറപ്പെട്ടത്. ഡിസില്‍വ പിന്മാറിയതിനു ശേഷം പകരക്കാരനെ പ്രഖ്യാപിച്ചിട്ടില്ല.