കിങ് ലയറില് മഡോണയുടെ നായകനായ ദിലീപിനേക്കുറിച്ചും അദ്ദേഹമുള്പ്പെട്ട കേസിനേക്കുറിച്ചും മഡോണ പറയുന്നതിങ്ങനെയാണ് -' വിവാദങ്ങളില് പ്രതികരിക്കാത്തത്, എനിക്കൊരു കാര്യത്തേക്കുറിച്ച് പ്രതികരിക്കണമെങ്കില് നൂറു ശതമാനം വിവരങ്ങളും വേണം. അല്ലെങ്കില് അതു നീതിയല്ല.
ഒരു വ്യക്തിയെക്കുറിച്ചാണെങ്കിലും നൂറു സത്യങ്ങളുണ്ടാവും. ഞാനാരാ അതു ശരിയല്ലെന്നു പറയാന്. അതില്ലാതെ ആ കാര്യങ്ങളിലൊന്നും പ്രതികരിക്കാനെയില്ല, അതാണ് എന്റെ നയം. എന്റെ കൂടെ ജോലി ചെയ്തിരുന്ന ദിലീപേട്ടന് നല്ല ആളായിരുന്നു. ഡീസന്റായിരുന്നു. വളരെ ഉത്തരവാദിത്വമുളള ആളായിരുന്നു' - മഡോണ പറഞ്ഞു.
ഒരു അഭിമുഖത്തില് തന്റെ അഭിനയ ജീവിതത്തെക്കുറിച്ച് മഡോണ മനസ്സു തുറന്നു. 'അപ്രതീക്ഷിതമായാണ് സിനിമയിലേയ്ക്കെത്തിയത് ജീവിതം കുറെയൊക്കെ മാറി. പക്ഷേ പേഴ്സനല് ലൈഫ് പഴയതു പോലെ തന്നെ എനിക്ക് മാറ്റമൊന്നുമില്ല.
തമിഴില് നിന്ന് ഒന്നിനു പിറകേ ഒന്നായി ചിത്രങ്ങള് വന്നു. അങ്ങനെ അവിടെ തിരക്കായി. മലയാളത്തിലും സിനിമകള് വരുന്നുണ്ട്, സെലക്ടീവായി ചെയ്യാനാണ് ശ്രമിക്കുന്നത്'
പ്രേമത്തിലൂടെ മലയാളത്തിലേയ്ക്കു വന്ന നായികയാണ് മഡോണ . പിന്നീട് തമിഴിലെ നായിക നിരയിലേയ്ക്ക് എത്തിയ താരം കിങ് ലയര്, ഇബിലീസ് എന്നീ മലയാള ചിത്രങ്ങളിലാണ് അഭിനയിച്ചത്. ഇബിലീസ് സൂപ്പര് ഹിറ്റായി ഓടിക്കൊണ്ടിരിക്കുന്നു.