കല്ലടിക്കോട്: ജില്ലയിൽ മഴക്കെടുതി മൂലം കഷ്ടപ്പെടുന്നവർക്ക് സാന്ത്വന സ്പർശവുമായി തച്ചമ്പാറ ദേശബന്ധു ഹയർ സെക്കന്ററി സ്ക്കൂളിന്റെയും സഹായ ഹസ്തം. യൂണിറ്റ് അംഗങ്ങൾ സ്വന്തം നിലയിലും മറ്റുള്ളവരിൽ നിന്നും ശേഖരിച്ചതുമായ ഭക്ഷ്യ വസ്തുക്കളും പലവ്യൻഞ്ജനങ്ങളും പാലക്കാട് താലൂക്ക് ഓഫീസർ വിശാലാക്ഷിക്ക് നൽകി.
ഏഴായിരത്തോളം രൂപയുടെ ഭക്ഷ്യ വസ്തുക്കളാണ് കുട്ടികൾ കൈമാറിയത്. പാലക്കാട് പ്രവർത്തിക്കുന്ന ദുരിതാശ്വാസ ക്യാമ്പും വളണ്ടിയർമാർ സന്ദർശിച്ചു.
പ്രിൻസിപ്പാൾ വി പി ജയരാജൻ, പി ടി എ പ്രസിഡന്റ് രാമചന്ദ്രൻ, എൻ എസ് എസ് പ്രോഗ്രാം ഓഫീസർ വി.കൃഷ്ണപ്രസാദ്, ആശാമത്തായി, മാത്യു കല്ലടിക്കോട്, വളന്റിയർമാരായ സംഗീത, സുജിത്ത്, വിസ്മയ, അർഷാദ്, ശ്യാം കിഷോർ എന്നിവർ നേതൃത്വം നൽകി.