പ്രധാനമന്ത്രി സ്വനിധി വായ്പാ പദ്ധതി ഇസാഫ് ബാങ്കിലും

കൊച്ചി: കേന്ദ്ര സര്‍ക്കാരിന്റെ ആത്മനിര്‍ഭര്‍ ഭാരത് പദ്ധതിയുടെ ഭാഗമായി അവതരിപ്പിച്ച പ്രധാനമന്ത്രി സ്വനിധി വായ്പാ പദ്ധതിക്ക് ഇസാഫ് സ്‌മോള്‍ ഫിനാന്‍സ് ബാങ്കില്‍ തുടക്കമായി. നഗരപ്രദേശങ്ങളിലേയും ഗ്രാമപ്രദേശങ്ങളിലേയും വഴിയോര കച്ചവടക്കാര്‍ക്ക് പ്രവര്‍ത്തന മൂലധനം കണ്ടെത്തുന്നതിനുള്ള കുറഞ്ഞ നിരക്കിലുള്ള വായ്പാ പദ്ധതിയാണിത്.

ഇസാഫ് ആസ്ഥാന ഓഫീസനടുത്തുള്ള വഴിയോര ഇളനീര്‍ കച്ചവടക്കാരന്‍ സുധാകരന് ഈ പദ്ധതി പ്രകാരമുള്ള ആദ്യ വായ്പാ തുക ഇസാഫ് ബാങ്ക് എംഡി കെ പോള്‍ തോമസ് കൈമാറി.

കോവിഡ് പ്രതിസന്ധി മറികടന്ന് വേഗത്തില്‍ സാധാരണ നിലയിലേക്ക് തിരിച്ചെത്താന്‍ ഈ വായ്പാ പദ്ധതി വഴിയൊര കച്ചവടക്കാരെ സഹായിക്കുമെന്ന് അദ്ദേഹം പറഞ്ഞു.