മെക്‌സിക്കോയില്‍ ടൂറിസ്റ്റ് കേന്ദ്രത്തില്‍ വെടിവെപ്പ്; അഞ്ച് പേര്‍ കൊല്ലപ്പെട്ടു

മെക്‌സിക്കോ സിറ്റി: മെക്‌സിക്കോയിലെ വിനോദസഞ്ചാരകേന്ദ്രമായ പ്ലാസ ഗരിബാള്‍ഡിയില്‍ അക്രമി നടത്തിയ വെടിവെപ്പില്‍ അഞ്ചു പേര്‍ കൊല്ലപ്പെട്ടു. എട്ടു പേര്‍ക്ക് പരിക്കേല്‍ക്കുകയും ചെയ്തു.

മരിയാച്ചി ഗായകരുടെ വേഷം ധരിച്ചെത്തിയയാളാണ് ആക്രമണം നടത്തിയതെന്ന് ദൃക്‌സാക്ഷികള്‍ പറഞ്ഞു. റോഡ് മുറിച്ചു കടക്കുയായിരുന്നവര്‍ക്കുനേരെ ഇയാള്‍ വെടിയുതിര്‍ക്കുകയായിരുന്നു. അക്രമി പിന്നീട് മോട്ടോര്‍ബൈക്കില്‍ രക്ഷപ്പെട്ടതായി പൊലീസ് അറിയിച്ചു.