ഓൾ ഇന്ത്യാ ഏകദിന സെവൻസ് ഫുട്ബോൾ ടൂർണമെന്റ്, സിയസ്കോ എഫ്‌സി ചാമ്പ്യന്മാരായി

ബയാന്‍ : കേരള ദുരിതാശ്വാസ നിധിയിലേക്കുള്ള ധനശേഖരണാർത്വം കുവൈറ്റിലെ പ്രമുഖ ഫുട്ബോൾ ക്ലബ്ബായ AKFC സംഘടിപ്പിച്ച ഓൾ ഇന്ത്യാ ഏകദിന സെവൻസ് ഫുട്ബോൾ ടൂർണമെന്റ് "സമ്മർ ഷോഡൌണിൽ" സിയസ്കോ എഫ്.സി ചാമ്പ്യൻമാരായി.

കുവൈറ്റിലെ 18 പ്രമുഖ ഇന്ത്യൻ ക്ലബ്ബുകളെ അണിനിരത്തി ബയാൻ ഗ്രൗണ്ടിൽ നടന്ന ടൂർണമെന്റിൽ കരുത്തരായ ബിഗ്‌ബോയ്സ് എഫ്.സിയേ ഫൈനലിൽ എതിരില്ലാത്ത 2 ഗോളുകൾക്ക് പരാജയപ്പെടുത്തി സിയസ്കോ എഫ്.സി ജേതാക്കളായത് .

ഗോവൻ ക്ലബ്ബ് ഫാത്തിമ ബോയ്സിനാണ് മൂന്നാം സ്ഥാനം. ബ്ലാസ്റ്റേഴ്‌സ് എഫ്.സി നാലാം സ്ഥാനവും ഫെയർ പ്ലേ അവാർഡും സ്വന്തമാക്കി.

ടൂർണമെനന്റിലെ മികച്ച താരമായി ബ്ലാസ്റ്റേഴ്‌സ് എഫ്.സിയുടെ ബാസിമും മികച്ച പ്രതിരോധ നിര താരമായി സിയസ്കോ എഫ്.സിയുടെ ക്യാപ്റ്റൻ ഡാനിഷിനേയും , മികച്ച ഗോൾ കീപ്പറായി ബിഗ്‌ ബോയ്സ് എഫ്.സിയുടെ നൗഫലിനേയും തിരഞ്ഞടുത്തു.