കടകളിൽനിന്നു വാങ്ങുന്ന സാനിറ്റൈസറുകൾ വാങ്ങുമ്പോള് ചില കാര്യങ്ങള് ശ്രദ്ധിക്കേണ്ടതുണ്ട്. നിർദ്ദിഷ്ട ഗുണനിലവാരം ഉള്ളതാണോ എന്ന് ശ്രദ്ധിക്കണം.ദൗർലഭ്യം മുതലെടുത്ത് വ്യാജ സാനിറ്റൈസറുകൾ മാർക്കറ്റിൽ എത്താൻ ഈ സമയം വളരെ സാധ്യതകൂടുതലാണ്.
എഥനോൾ, ഐസോ പ്രൊപ്പൈൽ ആൽക്കഹോൾ എന്നിവ സാനിറ്റൈസർ ആയി ഉപയോഗിക്കുന്നത് പൂർണമായും സുരക്ഷിതമാണ്. അറുപതുശതമാനം ആല്ക്കഹോള് അംശം ഉള്ളവയാണ് ഉപയോഗിക്കാന് ഏറ്റവും നല്ലത്.
മിക്ക ഹാൻഡ് സാനിറ്റൈസറുകളിലും കാലാവധി തീരുന്ന തീയതിയുണ്ട്. കാരണം ഇവയിലടങ്ങിയിരിക്കുന്ന ആൽക്കഹോൾ സാവധാനം ബാഷ്പീകരിക്കപ്പെടാൻ സാധ്യതയുളളതിനാൽ ഉപയോഗിക്കാതെ സൂക്ഷിച്ചു വയ്ക്കരുത്. അങ്ങനെ ചെയ്താൽ അണുബാധ തടയാനും ബാക്ടീരിയകൾ, വൈറസുകൾ, മറ്റ് അണുക്കൾ എന്നിവയ്ക്കെതിരെ പോരാടാനുമുള്ള സാനിറ്റൈസറിന്റെ കഴിവ് നഷ്ടപ്പെടും.
സാനിറ്റൈസർ വാങ്ങുന്നതിനുമുമ്പ് കുപ്പിയിൽ അതിൽ അടങ്ങിയിരിക്കുന്ന പദാർഥങ്ങൾ എഴുതിയിരിക്കുന്നത് കഴിയുമെങ്കില് വായിച്ചു നോക്കുക. ഭക്ഷണം കഴിക്കുന്നതിനു മുൻപും ശേഷവും, രോഗിയായ ഒരാളെ പരിചരിക്കുമ്പോൾ, ഉപരിതലങ്ങൾ തൊട്ടതിനുശേഷം, വളർത്തുമൃഗങ്ങളുമായി ഇടപഴകിയ ശേഷമൊക്കെ സോപ്പ് ഉപയോഗിച്ച് കൈകൾ വൃത്തിയായി കഴുകണമെന്നാണ് സെന്റർ ഫോർ ഡിസീസ് കൺട്രോൾ (സിഡിസി) പറയുന്നത്.
അങ്ങനെ ചെയ്യാൻ കഴിഞ്ഞില്ലെങ്കിൽ അവർക്ക് 60 ശതമാനം മദ്യം അടങ്ങിയ ഹാൻഡ് സാനിറ്റൈസറുകൾ ഉപയോഗിക്കാം. ഇത് രോഗ ബാധിതരാകാതിരിക്കാനും മറ്റുളളവരിലേക്ക് വൈറസ് ബാധ പകരുന്നത് തടയാനും സഹായിക്കും.