റിയാദ് : യമൻ വിമതരായ ഹൂതികൾ സൗദി അറേബ്യക്ക് നേരെ നടത്തിയ ഡ്രോൺ ആക്രമണശ്രമത്തെ സൗദി സഖ്യസേന തകർത്തു. വ്യാഴാഴ്ച രാവിലെ ആയുധങ്ങൾ നിറച്ച ഡ്രോണുകളാണ് ഹൂതികൾ അയച്ചത്. നിരന്തരമായി സൗദിക്ക് നേരെ ഹൂതികള് നടത്തുന്ന ആക്രമണങ്ങള് സഖ്യസേന പരാജയപെടുത്തിയിട്ടുണ്ട്.
ഇന്നലെ ഉണ്ടായ ഡ്രോണ് ആക്രമണം സഖ്യസേന പരാജയപ്പെടുത്തുകയും ഡ്രോണുകൾ തകർക്കുകയായിരുന്നെന്നും സഖ്യസേന വക്താവ് കേണൽ തുർക്കി അൽമാലികി അറിയിച്ചു. ഹൂതി തീവ്രവാദ സംഘങ്ങൾ സ്റ്റോക്ഹോം കരാറും വെടിനിർത്തലും ലംഘിച്ച് ആക്രമണം തുടരുകയാണ്.
ഹുദൈദ മേഖല കേന്ദ്രീകരിച്ചാണ് ബാലിസ്റ്റിക് മിസൈലും ഡ്രോണുകളും അയച്ച് അക്രമണം തുടരുന്നത്. ആയുധം നിറച്ച വിദൂര നിയന്ത്രിത ബോട്ടും ആക്രമണത്തിന് ഉപയോഗിക്കുന്നുണ്ട്.
ഹൂതികൾ പ്രാദേശിക, അന്തർദേശീയ സുരക്ഷക്ക് വലിയ ഭീഷണിയായിരിക്കുന്നു. സ്റ്റോക്ക്ഹോം കരാർ വിജയകരമാക്കുന്നതിനുള്ള രാഷ്ട്രീയ ശ്രമങ്ങളെ ദുർബലപ്പെടുത്തുകയാണെന്നും വക്താവ് പറഞ്ഞു. ഐക്യരാഷ്ട്ര സെക്രട്ടറി ജനറലിെൻറ പ്രത്യേക ദൂതെൻറ ശ്രമങ്ങളെ പിന്തുണക്കുന്നതും തുടരുകയാണെന്നും സഖ്യസേന വക്താവ് കൂട്ടിച്ചേർത്തു