ഉദ്യോഗാര്‍ത്ഥികളെ നിങ്ങള്‍ അറിഞ്ഞില്ലേ ! ഇന്ത്യന്‍ ആര്‍മി, സിഐഎസ്എഫ്, റെയില്‍വെ വകുപ്പുകളിലേക്ക് വമ്പന്‍ റിക്രൂട്ട്‌മെന്റ് ഉടന്‍; സര്‍ക്കാര്‍ ജോലിക്കായി കാത്തിരിക്കുന്നവര്‍ക്ക് സന്തോഷവാര്‍ത്ത!

ഡല്‍ഹി: സര്‍ക്കാര്‍ ജോലിക്കായി കാത്തിരിക്കുന്ന ഉദ്യോഗാര്‍ത്ഥികള്‍ക്ക് ഒരു സന്തോഷ വാര്‍ത്ത. ഇന്ത്യന്‍ ആര്‍മി, സിഐഎസ്എഫ്, റെയില്‍വെ ഉള്‍പ്പെടെയുള്ള കേന്ദ്രസര്‍ക്കാര്‍ വകുപ്പുകളിലേക്ക് ബംബര്‍ റിക്രൂട്ട്‌മെന്റാണ് നടക്കാന്‍ പോകുന്നത്. താല്‍പര്യമുള്ളവരും യോഗ്യതയുള്ളവരുമായ ഉദ്യോഗാര്‍ത്ഥികള്‍ക്ക് ഈ തസ്തികകളിലേക്ക് ഓണ്‍ലൈന്‍ വഴി അപേക്ഷ സമര്‍പ്പിക്കാവുന്നതാണ്.

എസ്എസ്ബി കോണ്‍സ്റ്റബിള്‍ തസ്തികയിലേക്ക് ഓഗസ്റ്റ് 27ന് മുമ്പ് അപേക്ഷ സമര്‍പ്പിക്കണം. 2020 എസ്എസ്ബി കോണ്‍സ്റ്റബിള്‍ റിക്രൂട്ട്‌മെന്റിലെ നിയമന പ്രക്രിയകള്‍ ആരംഭിച്ചിട്ടുണ്ട്. വിവിധ വകുപ്പുകളിലെ 1522 കോണ്‍സ്റ്റബിള്‍ തസ്തികകളിലേക്കാണ് റിക്രൂട്ട്‌മെന്റ് നടത്തുക.

താല്‍പര്യമുള്ള യോഗ്യരായ ഉദ്യോഗാര്‍ത്ഥികള്‍ അവസാന തീയ്യതിക്കു മുമ്പായി അപേക്ഷ സമര്‍പ്പിക്കണം, ഈ തസ്തികകളിലേക്ക് അപേക്ഷ സമര്‍പ്പിക്കാനുള്ള അവസാന തീയ്യതി 2020 ഓഗസ്റ്റ് 27 ആണ്.

ബിൽഡിംഗ് സൂപ്പർവൈസർ തസ്തികകളിലേക്ക് യോഗ്യതയുള്ള ഇന്ത്യൻ പൗരന്മാരിൽ നിന്ന് സുപ്രീം കോടതി അപേക്ഷ ക്ഷണിച്ചു. താത്പര്യമുള്ളവർക്ക് ഓഗസ്റ്റ് 29 അവസാന തീയതി വരെ അപേക്ഷ അയയ്ക്കാം.