അബദ്ധത്തില്‍ കജോളിന്റെ വാട്സാപ്പ് നമ്പർ പരസ്യമാക്കി അജയ് ദേവ്ഗണ്‍

ബോളിവുഡ് താരം കജോളിന്റെ വാട്സാപ്പ് നമ്പർ അബദ്ധത്തില്‍ പരസ്യമാക്കി ഭർത്താവും നടനുമായ അജയ് ദേവ്ഗണും. ട്വിറ്ററിലായിരുന്നു അജയിന്റെ ഈ കൈയബദ്ധം.

കജോൾ ഇന്ത്യയിലില്ല, വാട്സാപ്പ് നമ്പറിൽ കോ-ഓർഡിനേറ്റ് ചെയ്യുക എന്നായിരുന്നു നമ്പർ സഹിതമുള്ള ട്വീറ്റ്. ആരാധകര്‍ക്ക് നമ്പർ കിട്ടേണ്ട താമസം കജോളിന്റെ വാട്സാപ്പിന് പിന്നെ വിശ്രമം ഉണ്ടായിട്ടില്ല. അബദ്ധം പിണഞ്ഞ അജയ് ദേവ്ഗണിനെ ട്രോൾ കൊണ്ടുമൂടുകയും ചെയ്തു.

അറിയാതെ സംഭവിച്ചതാണെങ്കിലും കജോളിനെ ഇനി വാട്സാപ്പ് നമ്പർ മാറ്റാതെ തരമില്ലെന്നാണ് ആരാധകര്‍ പറയുന്നത്. ഷാരൂഖും സ്ഥലത്തില്ല, അദ്ദേഹത്തിന്റെ കൂടെ നമ്പർ തരൂ എന്ന്‍ പരിഹസിച്ചും ചിലര്‍ രംഗത്തെത്തി.

എന്നാല്‍ ഇതില്‍ കാജോള്‍ ഇതുവരെ പ്രതികരിച്ചിട്ടില്ല.