കാർത്തിക് സുബ്ബരാജിന്റെ പ്രഭുദേവ നായകനാകുന്ന പുതിയ ചിത്രം മെർക്കുറിയുടെ ട്രൈലർ പുറത്ത്. സൈലന്റ് ത്രില്ലര് എന്നു പറയുന്ന മെര്ക്കുറി ഒരു ഹൊറര് ടൈപ്പിലാണ് ചിത്രീകരിച്ചിരിക്കുന്നത്.
Advertisment
യുവതാരം ദുൽഖർ സൽമാൻ ട്രൈലർ ഫേസ്ബുക്കിലൂടെ പങ്കുവെച്ചു. ഏപ്രില് 13ന് തിയറ്ററിലെത്തും. രമ്യാനമ്ബീശനും സനന്ദ്, ഇന്ദുജ, ദീപക് പരമേശ് തുടങ്ങിയ പുതുമുഖ താരങ്ങളും അണിനിരക്കുന്നു.
എസ് തിരുനവുക്കരസ് ആണ് ഛായാഗ്രഹണം. സന്തോഷ് നാരായണൻ സംഗീതവും വിവേക് ഹർഷൻ എഡിറ്റിങ്ങും നിർവഹിച്ചിരിക്കുന്നു. കാർത്തികേയൻ സന്താനം, ജയന്തിലാൽ ഗാഡ എന്നിവർ ചേർന്നാണ് ചിത്രം നിർമിച്ചിരിക്കുന്നത്.
സംവിധായകൻ കാർത്തിക്കിനും പ്രഭുദേവക്കും എഡിറ്റർ വിവേക് ഹർഷനും ആശംസകൾ നേർന്ന ദുൽഖർ, ഭാഷയില്ലാത്തതിനാൽ ഏതു നാട്ടുകാർക്കും മെർക്കുറി ആസ്വദിക്കാനാവുമെന്നും ഫേസ്ബുക്കിൽ കുറിച്ചു. പുഷ്പക് എന്ന നിശബ്ദ ചിത്രത്തിെൻറ ആരാധകനായ താൻ വർഷങ്ങൾക്ക് ശേഷം അത്തരമൊരു ചിത്രം വരുന്നതിെൻറ ആവേശത്തിലാണെന്നും പറഞ്ഞു.