'അവർ എന്റെ പാസ്പോർട്ട് രണ്ടു തവണ മേശയിലേയ്ക്ക് വലിച്ചെറിഞ്ഞു. പോകാൻ ആക്രോശിച്ചു' - വിമാനത്താവളത്തിലെ വംശീയാധിക്ഷേപത്തെക്കുറിച്ച് നടി റിച്ച ചദ്ദ

ജോർജിയയില്‍ വച്ച് വിമാനത്താവളത്തിലെ ഒരു ഉദ്യോഗസ്ഥ തന്നെ വംശീയമായി അധിക്ഷേപിച്ചുവെന്ന് നടി റിച്ച ചദ്ദ.

'ജോർജിയയിൽ നിന്ന് മടങ്ങുമ്പോൾ വിമാനത്താവളത്തിൽ വച്ച് പാസ്പോർട്ട് കൺട്രോളിലെ ഒരു ഉദ്യോഗസ്ഥയെ കണ്ടു. അവർ എന്റെ പാസ്പോർട്ട് രണ്ടു തവണ മേശയിലേയ്ക്ക് വലിച്ചെറിഞ്ഞു. എന്നിട്ട് ജോർജിയൻ ഭാഷയിൽ, പെട്ടന്ന് പോകാൻ ആക്രോശിച്ചു. ഈ രാജ്യം വിട്ടുപോകുമ്പോൾ ഇത്തരക്കാരെയാണ് കാണേണ്ടിവരുന്നത് എന്നത് സങ്കടകരമാണ്' - റിച്ച ട്വിറ്ററിൽ കുറിച്ചു.

എക്സൽ എന്റർടെയ്ൻമെന്റിന്റെ ഇൻസൈഡ് എഡ്ജിന്റെ രണ്ടാം ഭാഗത്തിന്റെ ചിത്രീകരണത്തിനായാണ് റിച്ച ജോർജിയയിലെത്തിയത്. മുംബൈ മാവറിക്കിന്റെ ടീമുടമയായ സറിന മാലിക്കിനെയാണ് റിച്ച ചിത്രത്തിൽ അവതരിപ്പിക്കുന്നത്.