നായകനായും പിന്നീട് കോമഡിതാരമായും മലയാളികളുടെ മനസ്സില്‍ ഇടംനേടിയ താരമാണ് ജഗദീഷ്. ഇപ്പോള്‍ ടിവി അവതാരകനായും രാഷ്ട്രീയനേതാവായും ജഗദീഷ് മുന്നോട്ട് പോകുകയാണ്. ഏകദേശം നാല്‍പ്പതിലേറെ സിനിമകളില്‍ ജഗദീഷ് നായകനായി അഭിനയിച്ചിട്ടുണ്ട്. അതില്‍ ജഗദീഷിന്റെ നായികയായി പകുതിയിലേറെ ചിത്രങ്ങളിലും അഭിനയിച്ചത് ഉര്‍വശിയായിരുന്നു. മലയാളത്തിലെ ഭാഗ്യ ജോഡികളായിരുന്നു ഇവര്‍.
/ "publive-image")
ഉര്‍വശി മലയാളത്തിലെ മുന്‍നിര നായികായി മാറിയപ്പോഴും ജഗദീഷിന്റെ നായികയായി അഭിനയിക്കുന്നതില്‍ അവര്‍ മടി കാണിച്ചിരുന്നില്ല. സിനിമയോടുള്ള അടങ്ങാത്ത പാഷനാണ് ഉര്‍വശി എന്ന നടിയെ മുന്നോട്ട് നയിച്ചത്. തന്റെ സിനിമ ജീവിതത്തിനിടയിലെ ഓര്‍മകളില്‍ ഒരിക്കലും മറക്കാന്‍ പറ്റാത്ത നടിയാണ് ഉര്‍വശിയെന്ന് ജഗദീഷ് പറഞ്ഞു.
ജഗദീഷുമൊത്ത് നിരവധി സിനിമകളില്‍ അഭിനയിച്ച ഉര്‍വശിക്ക് അന്നത്തെ കാലത്ത് കുറെ പരിഹാസങ്ങള്‍ കേള്‍ക്കേണ്ടി വന്നു. സിനിമാ ലോകത്ത് ഉര്‍വശിയുടെ മൂല്യം ഇടിഞ്ഞതായി എന്ന് വരെ അന്ന് വാര്‍ത്തകള്‍ വന്നിരുന്നു. എന്നാല്‍ ഇതൊന്നും കേട്ട് പിന്മാറാന്‍ ഉര്‍വശി തയ്യാറായിരുന്നില്ല. ജഗദീഷിന് ആത്മവിശ്വാസം നല്‍കിയതും ഉര്‍വശിയാണ്. തന്റെ ജീവിതത്തില്‍ ഉര്‍വശിയോടുള്ള കടപ്പാട് ഒരിക്കലും മറക്കാന്‍ കഴിയില്ലെന്നും ജഗദീഷ് വ്യക്തമാക്കുന്നു.
Follow Us/sathyam/media/agency_attachments/5VspLzgrB7PML1PH6Ix6.png)
