ജ്യോ​തി​രാ​ദി​ത്യ സി​ന്ധ്യക്കെതിരെ വ​ധ ഭീ​ഷ​ണി മു​ഴ​ക്കി​യ മകനുവേണ്ടി ബി​ജെ​പി വനിതാ എം​എ​ൽ​എ മാ​പ്പു​പ​റ​ഞ്ഞു

ദാ​മോ: കോ​ണ്‍​ഗ്ര​സ് നേ​താ​വും മു​ൻ കേ​ന്ദ്ര​മ​ന്ത്രി​യു​മാ​യ ജ്യോ​തി​രാ​ദി​ത്യ സി​ന്ധ്യ​യെ വ​ധി​ക്കു​മെ​ന്ന് മ​ക​ൻ ഭീ​ഷ​ണി മു​ഴ​ക്കി​യ സം​ഭ​വ​ത്തി​ൽ ബി​ജെ​പി എം​എ​ൽ​എ മാ​പ്പു​പ​റ​ഞ്ഞു. ഹ​ത​യി​ലെ ബി​ജെ​പി എം​എ​ൽ​എ ഉ​മാ​ദേ​വി ഖാ​ദി​ക്കാ​ണു മാ​പ്പു​പ​റ​ഞ്ഞ​ത്. ത​ന്‍റെ മ​ക​ന്‍റെ പ​രാ​മ​ർ​ശ​വു​മാ​യി പാ​ർ​ട്ടി​ക്കു ബ​ന്ധ​മി​ല്ലെ​ന്നും അ​ത്ത​ര​ത്തി​ലൊ​രു പ​രാ​മ​ർ​ശം മ​ക​ന്‍റെ ഭാ​ഗ​ത്തു​നി​ന്ന് ഉ​ണ്ടാ​കാ​ൻ പാ​ടി​ല്ലാ​യി​രു​ന്നെ​ന്നും എം​എ​ൽ​എ പ​റ​ഞ്ഞു.

ഉ​മാ​ദേ​വി ഖാ​ദി​ക്ക് പ്ര​തി​നി​ധീ​ക​രി​ക്കു​ന്ന ഹ​ത​യി​ൽ ജ്യോ​തി​രാ​ദി​ത്യ സി​ന്ധ്യ സ​ന്ദ​ർ​ശ​നം ന​ട​ത്തി​യാ​ൽ അ​ദ്ദേ​ഹ​ത്തെ വെ​ടി​വ​ച്ചു കൊ​ല്ലു​മെ​ന്നാ​യി​രു​ന്നു എം​എ​ൽ​എ​യു​ടെ മ​ക​ൻ പ്രി​ൻ​സ്ദീ​പ് ഭീ​ഷ​ണി മു​ഴ​ക്കി​യ​ത്. ഫേ​സ്ബു​ക്കി​ലാ​യി​രു​ന്നു ഭീ​ഷ​ണി. ഇ​തേ​തു​ട​ർ​ന്ന് പോ​ലീ​സ് എം​എ​ൽ​എ​യു​ടെ മ​ക​നെ അ​റ​സ്റ്റ് ചെ​യ്തു. വി​വാ​ദ​മാ​യ​തോ​ടെ സി​ന്ധ്യ​യ്ക്കെ​തി​രേ വ​ധ​ഭീ​ഷ​ണി മു​ഴ​ക്കി​യ ഫേ​സ്ബു​ക്ക് പോ​സ്റ്റ് പ്രി​ൻ​സ്ദീ​പ് പി​ൻ​വ​ലി​ച്ചി​രു​ന്നു. സം​ഭ​വ​ത്തി​ൽ മാ​പ്പു​പ​റ​യു​ക​യും ചെ​യ്തു.

ഐ​പി​സി സെ​ക്ഷ​ൻ 294 (അ​പ​കീ​ർ​ത്തി), 504 (മ​ന​പൂ​ർ​വം സ​മാ​ധാ​ന അ​ന്ത​രീ​ക്ഷം ത​ക​ർ​ക്കാ​ൻ ഉ​ദ്ദേ​ശി​ച്ചു​ള്ള അ​പ​മാ​നി​ക്ക​ൽ), 506 (കു​റ്റ​ക​ര​മാ​യ ഭീ​ഷ​ണി) എ​ന്നീ വ​കു​പ്പു​ക​ൾ ചു​മ​ത്തി​ലാ​ണ് പ്രി​ൻ​സ്ദീ​പി​നെ​തി​രേ പോ​ലീ​സ് കേ​സെ​ടു​ത്തി​രി​ക്കു​ന്ന​ത്. അ​റ​സ്റ്റി​ലാ​യ പ്രി​ൻ​സ്ദീ​പി​നെ ജു​ഡീ​ഷ​ൽ റി​മാ​ൻ​ഡി​ൽ അ​യ​ച്ചു.

വ​ധ​ഭീ​ഷ​ണി​യോ​ട് സി​ന്ധ്യ ഇ​തേ​വ​രെ പ്ര​തി​ക​രി​ച്ചി​ട്ടി​ല്ല. ബു​ധ​നാ​ഴ്ച സി​ന്ധ്യ ഹ​ത​യി​ൽ സ​ന്ദ​ർ​ശ​നം ന​ട​ത്തു​ന്നു​ണ്ട്. എം​എ​ൽ​എ​യു​ടെ മ​ക​ന്‍റെ അ​ഭി​പ്രാ​യ പ്ര​ക​ട​നം ബി​ജെ​പി​യു​ടെ ഗോ​ഡ്സെ മാ​ന​സി​കാ​വ​സ്ഥ​യു​ടെ പ്ര​തി​ഫ​ല​ന​മാ​ണെ​ന്ന് കോ​ണ്‍​ഗ്ര​സ് നേ​താ​വ് പ​ങ്ക​ജ് ച​തു​ർ​വേ​ദി കു​റ്റ​പ്പെ​ടു​ത്തി. സി​ന്ധ്യ​യു​ടെ സു​ര​ക്ഷ അ​വ​ലോ​ക​നം ചെ​യ്യ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.