ഡല്ഹി : കുമ്മനം രാജശേഖരന് മിസോറാം ഗവര്ണറായി നിയമിതനായ ഒഴിവില് യുവമോര്ച്ച മുന് സംസ്ഥാന അധ്യക്ഷനും ബിജെപി ജനറല്സെക്രട്ടറിയുമായ കെ സുരേന്ദ്രന് ബിജെപി സംസ്ഥാന അധ്യക്ഷനാകുമെന്ന് സൂചന .
പാര്ട്ടിക്ക് ഊര്ജ്വസ്വലതയുള്ള പുതിയ നേതൃത്വം എന്ന ആശയമാണ് ദേശീയ നേതൃത്വം മുന്നോട്ടു വയ്ക്കുന്നത്.
മറ്റൊരു ജനറല് സെക്രട്ടറി എം ടി രമേശിന്റെ പേരും പരിഗണനയില് ഉണ്ടെങ്കിലും സുരേന്ദ്രന് തന്നെ നറുക്ക് വീഴും എന്നാണ് റിപ്പോര്ട്ടുകള്.
ഇക്കഴിഞ്ഞ കര്ണാടക തെരഞ്ഞെടുപ്പില് കെ സുരേന്ദ്രന് ചുമതലയുണ്ടായിരുന്ന മംഗലാപുരം മേഖലകളില് ബിജെപി മികച്ച പ്രകടനമാണ് കാഴ്ചവച്ചത് . ഇത് അമിത്ഷാ ഉള്പ്പെടെയുള്ള നേതാക്കളുടെ പ്രശംസ പിടിച്ചു പറ്റിയിരുന്നു .