മോദിയുടെ കാലു കഴുകി ദ്യൂബെ ആ അഴുക്കു വെള്ളം കുടിക്കുമോ?’; അങ്ങനെ കുടിച്ചില്ലെങ്കില്‍ മോദിയോട് സ്‌നേഹമില്ലെന്നല്ലേ അര്‍ത്ഥം ?;ദ്യൂബെയെ പരിഹസിച്ച് കപില്‍ സിബല്‍

ന്യൂഡല്‍ഹി: ബിജെപി എംപി നിഷികാന്ത് ദ്യൂബെയെ പരിഹസിച്ച് കോണ്‍ഗ്രസിന്റെ മുതിര്‍ന്ന നേതാവ് കപില്‍ സിബല്‍. പാര്‍ട്ടി പ്രവര്‍ത്തകന്‍ തന്റെ കാലു കഴുകിയ വെള്ളം കുടിച്ചത് തന്നോടുള്ള സ്‌നേഹം മൂലമാണെന്ന ദ്യൂബെയുടെ ന്യായീകരണത്തെ പരിഹസിച്ചാണ് കപില്‍ സിബല്‍ രംഗത്തെത്തിയത്. പ്രധാനമന്ത്രി നരേന്ദ്ര മോദിയുടെ കാലു കഴുകി ദ്യൂബെ ആ അഴുക്കു വെള്ളം കുടിക്കുമോ എന്നായിരുന്നു കപില്‍ സിബലിന്റെ പരിഹാസം.

പ്രവര്‍ത്തകര്‍ക്കു തന്നോടുള്ള സ്‌നേഹം മനസ്സിലാക്കാന്‍ ട്രോളുണ്ടാക്കുന്നവര്‍ക്കു കഴിയുന്നില്ലെന്നായിരുന്നു ദ്യൂബെയുടെ വിശദീകരണം. അങ്ങനെയെങ്കില്‍ മോദിയുടെ കാലു കഴുകി ആ വെള്ളം ദ്യൂബെ കുടിക്കുമോയെന്നും അങ്ങനെ കുടിച്ചില്ലെങ്കില്‍ മോദിയോട് സ്‌നേഹമില്ലെന്നല്ലേ അര്‍ഥമെന്നും കപില്‍ സിബല്‍ ചോദിച്ചു.

ജാര്‍ഖണ്ഡിലെ ഗോഡ്ഡയില്‍ പ്രചാരണ പരിപാടികള്‍ക്കിടെയാണ് ദ്യൂബെയുടെ കാല്‍ കഴുകി ആ വെള്ളം പാര്‍ട്ടി പ്രവര്‍ത്തകനായ പവന്‍ കുടിച്ചത്.