കൊച്ചി: കേരളാ ബ്ലാസ്റ്റേഴ്സിന്റെ മധ്യനിരയിലേക്ക് ഒരു സെർബിയൻ താരം കൂടി എത്തുന്നു. സെർബിയൻ താരം നിക്കോള കർമരേവിച്ചാണ് ബ്ലാസ്റ്റേഴ്സ് സംഘത്തിനൊപ്പം ചേർന്നത്. കർമരേവിച്ചുമായി കരാറിൽ എത്തിയ കാര്യം ഫേസ്ബുക്കിൽ ബ്ലാസ്റ്റേഴ്സ് സ്ഥിരീകരിച്ചു.
സീസണിൽ ബ്ലാസ്റ്റേഴ്സിനൊപ്പമുള്ള മൂന്നാമത്തെ സെർബിയൻ താരമാണ് ഇരുപത്തിയാറുകാരനായ കർമരേവിച്ച്. മുമ്പ് സ്ലവിസ സ്റ്റൊജനോവിച്ച്, നെമാൻജ പെസിച്ച്, എന്നിവരും ടീമിനൊപ്പം ചേർന്നിരുന്നു. ടീമിലെ ഏഴാമത്തേയും അവസാനത്തേയും വിദേശ താരം കൂടിയാണ് കർമരേവിച്ച്.
സെർബിയയുടെ അണ്ടർ 19-അണ്ടർ 21 ടീമുകളിൽ കളിച്ച താരം ഫറവോ ദ്വീപിലെ വെസ്റ്റർ എന്ന ക്ലബിൽ നിന്നാണ് കേരളത്തിലേക്കെത്തുന്നത്. സെർബിയ, ഗ്രീസ്, സ്വീഡൻ, തുടങ്ങിയ രാജ്യങ്ങളിലെ ക്ലബുകളിലും കളിച്ചിട്ടുണ്ട്