തിരുവനന്തപുരം : മുതിര്ന്ന നേതാവ് ഇ പി ജയരാജനെ മന്ത്രിസഭയില് ഉള്പ്പെടുത്തുന്നതിനൊപ്പം മന്ത്രിസഭയില് ചെറിയ അഴിച്ചുപണിക്കും സാധ്യത. സ്പീക്കര് പി ശ്രീരാമകൃഷ്ണനെ മന്ത്രിസഭയില് ഉള്പ്പെടുത്തി പുതിയൊരാളെ സ്പീക്കറാക്കാനും ആലോചനയുണ്ട്.
വ്യക്തിപരമായ കാരണങ്ങളാല് മന്ത്രിസ്ഥാനം ഒഴിയാന് സന്നദ്ധത അറിയിച്ച ടി പി രാമകൃഷ്ണന് പകരമായിട്ടായിരിക്കും ശ്രീരാമകൃഷ്ണന് മന്ത്രിയാകുക.
അതേസമയം സ്പീക്കര് സ്ഥാനത്തേയ്ക്ക് കെ സുരേഷ് കുറുപ്പ് , രാജു എബ്രഹാം എന്നിവരുടെ പേരുകള് പരിഗണിക്കുന്നുണ്ട്.
അതേസമയം അഞ്ചാം മന്ത്രിസ്ഥാനം എന്ന ആവശ്യം സിപിഐ ഉന്നയിച്ചിട്ടുണ്ട് . ഇത് സിപിഎം അംഗീകരിക്കാനിടയില്ല . തിങ്കളാഴ്ചക്ക് മുന്പ് സിപിഐ യുമായി ചര്ച്ച നടത്തി ഇക്കാര്യത്തില് ധാരണയുണ്ടാക്കും.