എരുമേലി മണ്ഡലത്തിൽ കണമല വാർഡിൽ കോൺഗ്രസ്, ജനപക്ഷം പാർട്ടികളിൽ നിന്നും രാജിവെച്ച് 35 കുടുംബങ്ങൾ കേരളാ കോൺഗ്രസ് എമ്മില്‍ ചേർന്നു

കോട്ടയം: എരുമേലി മണ്ഡലത്തിൽ കണമല വാർഡിൽ കോൺഗ്രസ് (ഐ) ജനപക്ഷം പാർട്ടികളിൽ നിന്നും 35 ഓളം കുടുംബങ്ങൾ രാജിവെച്ച് കേരളാ കോൺഗ്രസ് (എം)-ൽ ചേർന്നു.

ജോസഫ് പനംത്തോട്ടം, ജോയി മാനേൽ എന്നിവരുടെ നേതൃത്വത്തിൽ കേരളാ കോൺഗ്രസ് എമ്മിലേയ്ക്ക് കടന്നുവന്ന ആളുകളെ ജോസഫ് പനംത്തോട്ടത്തിന്റെ വസതിയിൽ ചേർന്ന സമ്മേളനത്തിൽ പാർട്ടിയിലേക്ക് സ്വീകരിക്കുന്നു.

കേരളാ കോൺഗ്രസ് (എം) മണ്ഡലം പ്രസിഡന്റ് പി.ജെ സെബാസ്റ്റ്യൻ, കണമല സർവീസ് സഹകരണ ബാങ്ക് പ്രസിഡന്റ് അഡ്വ.ബിനോയ് മാങ്കന്താനം, തോമസ് കൊല്ലാരാത്ത്, സാബു കാലാപറമ്പിൽ, അഡ്വ. ജോബി നെല്ലോലപൊയ്കയിൽ, സന്തോഷ് കുഴിക്കാട്ട് തുടങ്ങിയവർ സമീപം.