ആയിരം സ്ത്രീകള്‍ പീഡിപ്പിക്കപ്പെട്ടാലും എ കെ ശശി, പി ശശി, പി കെ ശശി എന്നീ ശശിമാര്‍ ശിക്ഷിക്കപ്പെടരുതെന്ന് സിപിഎമ്മിന് വാശിയെന്ന്‍ ഹസ്സന്‍ 

തിരുവനന്തപുരം:  ആയിരം അപരാധികള്‍ രക്ഷപെട്ടാലും ഒരു നിരപരാധി പോലും ശിക്ഷിക്കപ്പെടരുതെന്ന തത്വം കേരളത്തില്‍ മാര്‍ക്സിസ്റ്റ്‌ പാര്‍ട്ടി തിരുത്തിയിരിക്കുകയാണെന്ന് കെ പി സി സി അധ്യക്ഷന്‍ എം എം ഹസ്സന്‍.

ആയിരം സഖാക്കള്‍ പീഡിപ്പിക്കപ്പെട്ടാലും ശശിമാരില്‍ ഒരാള്‍ പോലും ശിക്ഷിക്കപ്പെടരുതെന്ന വാശിയാണ് സര്‍ക്കാരിനും സി പി എമ്മിനുമെന്ന് ഹസ്സന്‍ പറഞ്ഞു.

നിരവധി വനിതകളും വനിതാ സഖാക്കളും പീഡിപ്പിക്കപ്പെട്ടിട്ടും എ കെ ശശി, പി ശശി, പി കെ ശശിമാരെ ശിക്ഷിക്കാനാകില്ലെന്നതാണ് സി പി എമ്മിന്റെ വാശി - ഹസ്സന്‍ തുറന്നടിച്ചു.