കോഴിക്കോട് : അടുത്ത മാസം പത്താം തീയതി എന്ഫോഴ്സ്മെന്റ് ഡയറക്ടറേറ്റിന് മുമ്പാകെ ഹാജരാകുമെന്നും എന്നാല് അതിന് ശേഷവും എല്ലാവരെയും ഇവിടെത്തന്നെ കാണണമെന്നും മുസ്ലിം ലീഗ് നേതാവും എം എല് എയുമായി കെ എം ഷാജി. പത്താം തീയതി കഴിഞ്ഞാലും എല്ലാം വിശദമായി ചര്ച്ച ചെയ്യണമെന്നും അദ്ദേഹം ഫേസ്ബുക്ക് പോസ്റ്റില് കുറിച്ചു.
അപ്പോള് ആരൊക്കെ തലയില് മുണ്ടിടുമെന്നും ഐ സി യുവില് കയറുമെന്നും വാര്ത്താ വായനയില് കയര് പൊട്ടിക്കുമെന്നും കാണാമെന്നും അദ്ദേഹം ആത്മവിശ്വാസം പ്രകടിപ്പിച്ചു. പൊതുപ്രവര്ത്തകന് എന്ന നിലയില് സോഷ്യല് ഓഡിറ്റിംഗിന് വിധേയമാകേണ്ടവനാണെന്ന് തനിക്ക് നല്ല ബോധ്യം മാത്രമല്ല നിര്ബന്ധവുമുണ്ടെന്നും അദ്ദേഹം പറഞ്ഞു.
ഫേസ്ബുക്ക് പോസ്റ്റിന്റെ പൂര്ണരൂപം:
ഞാൻ ഇവിടെയുണ്ട്; ഇവിടെ തന്നെയുണ്ടാവും!!
നവംബർ പത്താം തിയ്യതി ഹാജരാവാൻ നമ്മുടെ രാജ്യത്തെ ഒരു അന്വേഷണ ഏജൻസി ആയ ED എന്നോട് ആവശ്യപ്പെട്ടിട്ടുണ്ട്. അവരുടെ ചോദ്യങ്ങൾക്കുള്ള മറുപടി നൽകേണ്ടത് എന്റെ ബാധ്യതയാണ്. അത് കൃത്യമായി ഞാൻ ചെയ്യുകയും ചെയ്യും.
അത് വരെ പൊതു മധ്യത്തിൽ ഈ വിഷയം ചർച്ച ചെയ്യരുത് എന്ന് നിയമ വിദഗ്ദരുടെ ഉപദേശം ഉള്ളതിനാൽ അതിന് മുന്നേ പ്രതികരിക്കുന്നില്ലെന്നു മാത്രം!!
പത്താം തിയ്യതി കഴിഞ്ഞാലും എല്ലാവരും ഇവിടെ തന്നെ കാണണം. നമുക്ക് എല്ലാം വിശദമായി ചർച്ച ചെയ്യണം;
ഒന്നൊഴിയാതെ, ഒരാളൊഴിയാതെ എല്ലാം നമ്മൾക്ക് ചർച്ച ചെയ്യാം!!
അപ്പോൾ ആരൊക്കെ തലയിൽ മുണ്ടിടുമെന്നും, ഐ സി യു വിൽ കയറുമെന്നും വാർത്താ വായനയിൽ കയർ പൊട്ടിക്കുമെന്നും നമ്മൾക്ക് കാണാം!!
ഒരു പൊതു പ്രവർത്തകൻ എന്ന നിലയിൽ സോഷ്യൽ ഓഡിറ്റിംഗിന് വിധേയമാവേണ്ടവനാണെന്ന് എനിക്ക് നല്ല ബോധ്യമുണ്ട്; നിർബന്ധവുമുണ്ട്!!
https://www.facebook.com/kms.shaji/posts/2254304611381460?__cft__<0>=AZVGrc-T4ltk58-f7C9Gwizr_BxU04ncZOIbIQPY7dL3PVE9AKdAJrBb4wHsUkngwMU9023XRyLXR5vbzCtsjqiRbSiLeM_sx8kLbiaEHm3_-LQiYgFG1boRiGSfBS5hfu7L5qArjK5aWt1A56h1heng6AP4Hsoq_p0bsGovR2qFI_dpcPhbMKSVp5mqUC00MRE&__tn__=%2CO%2CP-R