കോഴിക്കോട്: മാസങ്ങള്ക്ക് മുമ്പ് വെട്ടിപ്പരിക്കേല്പ്പിച്ച് കിണറ്റില് തള്ളിയ യുവാവിനെ തൂങ്ങിമരിച്ച നിലയില് കണ്ടെത്തി. പന്നിക്കോടിനടുത്ത് കാരാളിപ്പറമ്പ് രമേഷ്(40) ആണ് മരിച്ചത്. വീടിനടുത്തുള്ള പറമ്പില് തൂങ്ങി മരിച്ച നിലയില് കണ്ടെത്തുകയായിരുന്നു.
കൊടിയത്തൂരില് സെപ്തംബര് 12നായിരുന്നു രമേഷിനെ വെട്ടിപ്പരിക്കേല്പ്പിച്ച് കിണറ്റില് തള്ളിയത്. ഇതേ തുടര്ന്ന് ഇയാള് ദീര്ഘകാലം ചികിത്സയിലായിരുന്നു. എന്നാല് ആരാണ് വെട്ടിയതെന്ന കാര്യം ഇയാള് ഇതുവരെയും വെളിപ്പെടുത്തിയിരുന്നില്ല. ഈ സംഭവത്തില് ദുരൂഹത തുടരുന്നതിനിടെയാണ് രമേഷ് ആത്മഹത്യ ചെയ്തിരിക്കുന്നത്.