കുവൈറ്റ് : കുവൈറ്റില് ഒരു വർഷത്തിനിടെ ഉപഭോക്തൃ മേഖലയിൽ ഉണ്ടായത് 0.89 ശതമാനം വിലക്കയറ്റമെന്ന് റിപ്പോര്ട്ട് .സെൻട്രൽ സ്റ്റാറ്റിസ്റ്റിക്കൽ ബ്യൂറോ പുറത്തുവിട്ട കണക്കിലാണ് ഇക്കാര്യം സൂചിപ്പിച്ചിരിക്കുന്നത്. 2018 ജൂലൈയെ അപേക്ഷിച്ച് ആഗസ്റ്റിൽ 0.09 ശതമാനം മാത്രം വിലക്കയറ്റമാണ് രേഖപ്പെടുത്തിയത്.
മിക്കവാറും എല്ലാ മേഖലകളിലും ചെറിയതോതിൽ വിലവർധന രേഖപ്പെടുത്തിയപ്പോൾ വസ്ത്രങ്ങൾക്കും പാദരക്ഷകൾക്കും വില കുറയുന്ന അവസ്ഥയാണ് റിപ്പോർട്ട് ചെയ്യപ്പെട്ടത്. ഏറ്റവും കൂടുതൽ വർധന രേഖപ്പെടുത്തിയത് സിഗററ്റുകൾക്കും പുകയില ഉൽപന്നങ്ങൾക്കുമാണ്.
2017 ആഗസ്റ്റിനെ അപേക്ഷിച്ച് ഇൗ വർഷം 13.51 ശതമാനം വില വർധിച്ചു. ഭക്ഷ്യ-പാനീയങ്ങൾക്ക് 1.40 ശതമാനവും വീട്ടുപകരണങ്ങൾക്ക് രണ്ടു ശതമാനവും ആരോഗ്യ സേവനങ്ങൾക്ക് 3.11 ശതമാനവും വിദ്യാഭ്യാസത്തിന് 1.71 ശതമാനവും വിലവർധന രേഖപ്പെടുത്തി.