മിഡിൽ ഈസ്റ്റ് റീട്ടെയ്‌ലര്‍ ഫോറത്തിന്‍റെ 2020 അവാര്‍ഡ്‌ ലുലു ഗ്രൂപ്പിന്.

ദുബായ്:  മിഡില്‍ ഈസ്റ്റ്‌  മേഖലയിലെ ഏറ്റവും ജനപ്രിയ ഹൈപ്പർ മാർക്കറ്റ് ശൃംഖലയായ ലുലു 2020 ലെ മിഡിൽ ഈസ്റ്റ് റീട്ടെയിൽ ഫോറത്തിൽ (എംആർഎഫ്) ഈ വർഷത്തെ മികച്ച  റീട്ടെയ്‌ലര്‍ക്കുള്ള  അവാർഡ് കരസ്ഥമാക്കി  ദുബായിലെ കോൺറാഡ് ഹോട്ടലിൽ നടന്ന അവാര്‍ഡ്ദാന ചടങ്ങില്‍   ലുലു ഗ്രൂപ്പ് ഡയറക്ടർ സലിം എം‌എ   പുരസ്കാരം  ഏറ്റുവാങ്ങി .

2012 മുതൽ, റീട്ടെയിൽ സംരംഭകർ, വെക്തികള്‍ , ആഗോള റീട്ടെയിൽ ട്രെൻഡുകൾ കണ്ടെത്തുന്ന തിനായി  ഏറ്റവും ശക്തമായ പ്ലാറ്റ്ഫോമായി  പ്രവര്‍ത്തിക്കുന്ന  എംആർഎഫ് വർഷം തോറും ദുബായിൽ ഇത്തരം ചടങ്ങുകള്‍ സംഘടിപ്പിച്ച് മിഡില്‍ ഈസ്റ്റ്ലെ ചില്ലറ വ്യാപാരികളുടെ അസാധാരണ നേട്ടങ്ങളും മികച്ച പ്രവര്‍ത്തനങ്ങളും തിരിച്ചറിഞ്ഞാണ്‌ അവാര്‍ഡുകള്‍ നല്‍കുന്നത്.

ദുബൈയിലെ കോൺറാഡ് ഹോട്ടലിൽ നടന്ന അവാർഡ് ദാന ചടങ്ങിൽ മിഡിൽ ഈസ്റ്റ് റീട്ടെയിൽ ഫോറത്തിന്റെ ചീഫ് ഓപ്പറേറ്റിംഗ് ഓഫീസർ അമിതാഭ് തനേജ, ലുലു ഗ്രൂപ്പ് ഡയറക്ടർ സലിം എം‌എ ഏറ്റുവാങ്ങുന്നു.

സേവനത്തിലെ മികവ്, ഉൽ‌പ്പന്ന നിലവാരം, പുതുമ,  എന്നിവയടക്കം  വിവിധ പാരാമീറ്ററുകൾ‌ കണക്കിലെടുത്താണ് ലുലുവിനെ മികച്ച അവാർഡിനായി തിരഞ്ഞെടുത്തു, പ്രത്യേകിച്ചും COVID-19 പാൻ‌ഡെമിക് സമയത്തും ജി‌സി‌സിയിലും മറ്റു രാജ്യങ്ങളിലും നടത്തിയ പ്രവര്‍ത്തനങ്ങള്‍ കണക്കിലെടുത്താണ് അവാര്‍ഡിന് തെരഞ്ഞെടുത്തത്. ലെവി, സെന്റർ പോയിന്റ്, സ്കേച്ചേഴ്സ്, സക്കൂർ ബ്രദേഴ്സ് അടക്കം   മേഖലയിലെ മറ്റ് പ്രമുഖ റീട്ടെയിലർമാർക്കും വ്യത്യസ്ത കാറ്റഗറി അവാർഡുകൾ നൽകി  ആദരിച്ചു

അവാർഡ് ലഭിച്ചതിന് ശേഷം മാധ്യമങ്ങളോട് സംസാരിച്ച സലിം എം‌എ പറഞ്ഞു: “റീട്ടെയിൽ വ്യവസായത്തിലെ ഏറ്റവും അഭിമാനകരമായ അവാർഡ് ലഭിച്ചതിൽ ഞങ്ങൾ വളരെ ആവേശത്തിലാണ്. ഞങ്ങളുടെ ആദ്യത്തെ സ്റ്റോർ മുതൽ അടുത്തിടെ ഞങ്ങൾ ഉദ്ഘാടനം ചെയ്ത 196-ാമത്തെ ബ്രാഞ്ച് വരെ വർഷങ്ങളായി ഞങ്ങൾ നടത്തിക്കൊണ്ടിരിക്കുന്ന ശ്രമങ്ങളുടെയും നൂതന സംരംഭങ്ങളുടെയും സാക്ഷ്യമാണ് ഈ അംഗീകാരമെന്നും അദ്ദേഹംപറഞ്ഞു.

“ഈ അവാർഡിനായി ഞങ്ങളെ തെരഞ്ഞെടുത്ത  സംഘാടകർക്കും ജൂറിക്കും എല്ലാറ്റിനു മുപരിയായി ഞങ്ങളുടെ 1.6 ദശലക്ഷത്തിലധികം വിശ്വസ്തരായ ഷോപ്പർമാർക്കും ഞാൻ നന്ദി പറയുന്നു. ഇത് ഞങ്ങളുടെ വിപുലീകരണ പദ്ധതികളുമായി മുന്നോട്ട് പോകാനുള്ള ഞങ്ങളുടെ ആത്മവിശ്വാസം വർദ്ധിപ്പിക്കുകയും ഞങ്ങളുടെ വലിയ, കോസ്മോപൊളിറ്റൻ ഉപഭോക്തൃ അടിത്തറയ്ക്ക് ഊര്‍ജം പകരുന്നതാണെന്നും സലിം എം‌എ കൂട്ടിച്ചേർത്തു.