കൊച്ചി : സ്വര്ണക്കടത്തുമായി ബന്ധപ്പെട്ട് എന്ഐഎ രജിസ്റ്റര് ചെയ്ത കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കര് പ്രതിയല്ലെന്ന് ദേശീയ അന്വേഷണ ഏജന്സി. ഇതിനാല് ശിവശങ്കറിന്റെ ജാമ്യാപേക്ഷ പരിഗണിക്കേണ്ടതില്ലെന്നും എന്ഐഎ കോടതിയില് വ്യക്തമാക്കി.
ശിവശങ്കര് ഈ കേസില് ഇതുവരെ പ്രതിയല്ല. അതുകൊണ്ടു തന്നെ അറസ്റ്റ് എന്ന കാര്യം പരിഗണിച്ചിട്ടില്ല. അതിനാല് മുന്കൂര് ജാമ്യാപേക്ഷ നല്കുന്നതിന് അടിസ്ഥാനമില്ലെന്നും എന്ഐഎ അഭിഭാഷകന് കോടതിയെ അറിയിച്ചു.
ഈ വാദം പരിഗണിച്ച ശിവശങ്കറിന്റെ അഭിഭാകന് അഡ്വ. ബി രാമന്പിള്ള ജാമ്യഹര്ജി തീര്പ്പാക്കുന്നതിന് സമ്മതിച്ചു. ഇതേത്തുടര്ന്ന് കോടതി ജാമ്യഹര്ജി തീര്പ്പാക്കി.