ഗായികയും മോഡലും സംഗീതസംവിധായകയുമായ അമൃത സുരേഷിന് നേരെ ഇന്സ്റ്റഗ്രാമില് അശ്ലീല കമന്റുമായി വന്ന ഒരാൾക്ക് താരം നല്കിയ മറുപടിയാണ് ശ്രദ്ധേയമാകുന്നത്.
അമൃത കഴിഞ്ഞ ദിവസം ഇന്സ്റ്റഗ്രാമില് ഒരു ഫോട്ടോഷൂട്ടിനായി നടത്തിയ ചിത്രം പോസ്റ്റ് ചെയ്തിരുന്നു. ഫോട്ടോഷൂട്ട് ചിത്രത്തിന്റെയും ഉപയോഗിച്ച കോസ്റ്റ്യൂമിന്റെയും ചിത്രങ്ങള് പോസ്റ്റ് ചെയ്ത അമൃതയോട് ‘അടിവസ്ത്രമെവിടെ’ എന്ന് ഒരാള് സ്വകാര്യ സന്ദേശത്തിലൂടെ ചോദിച്ചു.
അമൃത ഈ സന്ദേശത്തിന്റെ സ്ക്രീന്ഷോട്ട് സഹിതം തന്റെ ഇന്സ്റ്റഗ്രാം പേജില് പങ്കു വച്ചു. ‘എനിക്ക് ഇന്നു ലഭിച്ച ഒരു സന്ദേശത്തിന്റെ സ്ക്രീന്ഷോട്ടാണിത്. ആര്ക്കെങ്കിലും ഈ മാന്യന്റെ ചോദ്യത്തിന് ഉത്തരം കൊടുക്കാമോ ? നാണക്കേട്’ എന്ന ക്യാപ്ഷനോടെയാണ് അമൃത സ്ക്രീന്ഷോട്ട് പോസ്റ്റ് ചെയ്തത്.
ഇതിനു താഴെ അമൃതയ്ക്ക് പിന്തുണയുമായി അനവധിയാളുകളാണ് എത്തുന്നത്. സന്ദേശമയച്ചയാളെ കണക്കിന് വിമര്ശിച്ചും ആളുകള് രംഗത്തെത്തുന്നുണ്ട്. ഇവനെപ്പോലുള്ള ഞരമ്പുരോഗികളെ നിയമത്തിന് മുന്നില് കൊണ്ട് വരണമെന്നും ഇവരൊക്കെയാണ് നാളത്തെ പീഡനവീരന്മാരായി മാറുന്നതെന്നും ഇത്തരക്കാര്ക്കെതിരെ നിയമ നടപടി സ്വീകരിക്കണമെന്നും പറഞ്ഞാണ് പ്രതികരണങ്ങളേറെയും.
കഴിഞ്ഞ ദിവസം ബാലതാരം നന്ദന വര്മ്മയ്ക്ക് നേരെയും സോഷ്യല് മീഡിയയിലൂടെ ഒരാള് അശ്ലീല കമന്റുമായി എത്തിയിരുന്നു. അതിന് ചുട്ടമറുപടിയും നന്ദന നല്കിയിരുന്നു.