'വില്ലന്‍ വേഷം ചെയ്യാൻ ഫഹദ് സ്വയം മുന്നോട്ട് വരുകയായിരുന്നു. അദ്ദേഹത്തിന്റെ നെഗറ്റീവ് ഷെയ്ഡ് കഥാപാത്രത്തെ കാണാൻ എക്സയ്റ്റഡ് ആണ്'

ദിലീഷ് പോത്തന്‍-ശ്യാം പുഷ്കര്‍ -നസ്രിയ എന്നിവര്‍ ഒന്നിച്ചു നിര്‍മിക്കുന്ന ചിത്രം ആണ് കുമ്പളങ്ങി നൈറ്റ്‌സ്. ദിലീഷ് പോത്തന്റെ അസിസ്റ്റന്റ്‌ ആയിരുന്ന മധു സി നാരായണന്‍ ആണ് ചിത്രത്തിന്‍റെ സംവിധായകന്‍.

ഷൈന്‍ നിഗം ആണ് ചിത്രത്തില്‍ നായക വേഷത്തില്‍ എത്തുന്നത്. വില്ലനായി എത്തുന്നത് ഫഹദ് ഫാസിലും. കുമ്പളങ്ങി നൈറ്റ്‌സ് ഒരു മോഡേൺ ഫാമിലി ഡ്രാമയാണെന്നും താൻ ആദ്യമായാണ് ഇങ്ങനെയൊരു വിഷയം കൈകാര്യം ചെയ്യുന്നതെന്നും ശ്യാം പുഷ്ക്കരൻ പറയുന്നു.

'ചിത്രത്തിലെ വേഷം ഫഹദ് കഥകേട്ടതിന് ശേഷം ചെയ്യാൻ അദ്ദേഹം സ്വയം മുന്നോട്ട് വരുകയായിരുന്നു. കഥാപാത്രങ്ങളിൽ ഏറെ പരീക്ഷണങ്ങൾ നടത്തുന്ന അദ്ദേഹത്തിന്റെ നെഗറ്റീവ് ഷെയ്ഡ് കഥാപാത്രത്തെ കാണാൻ ഞാനും എക്സയ്റ്റഡ് ആണ്.' - ശ്യാം പറയുന്നു.

കുമ്പളങ്ങി നെറ്റസിൽ ഫഹദിനെയും, ഷൈനിനയും കൂടാതെ സൗബിൻ സാഹിർ, ശ്രീനാഥ് ഭാസി, പുതുമുഖം മാത്യു തോമസ് എന്നിവരും പ്രധാന വേഷങ്ങൾ അവതരിപ്പിക്കുന്നുണ്ട്.