ആരാധകര് ആകാംഷയോടെ കാത്തിരിക്കുന്ന മോഹന്ലാല് ചിത്രം നീരാളിയുടെ ട്രെയിലർ പുറത്തിറങ്ങി. തന്റെ ഓഫീഷ്യല് ഫേസ്ബുക്ക് പേജിലൂടെ മോഹന്ലാല് തന്നെ ട്രെയിലര് പുറത്തിറക്കിയത്.
Advertisment
സസ്പെൻസ് ത്രില്ലറായി ഒരുങ്ങുന്ന ചിത്രത്തിന്റെ ട്രെയിലറിലും നിഗൂഢതകൾ ഒളിഞ്ഞിരിക്കുന്നു. ദസ്തോല, എസ് ആർ കെ എന്നീ ഹിന്ദി ചിത്രങ്ങളുടെ സംവിധായകനായ അജോയ് വർമയുടെ ആദ്യ മലയാളചിത്രമാണിതെന്ന പ്രത്യേകതയും ചിത്രത്തിനുണ്ട്. സാജു തോമസ് തിരക്കഥ നിര്വഹിച്ച നീരാളിയുടെ ഷൂട്ടിംഗ് മുംബൈ, പൂനൈ, ശ്രീലങ്ക എന്നിവിടങ്ങളിലായിരുന്നു.
സിനിമയിൽ രണ്ട് പ്രധാന സ്ത്രീകഥാപാത്രങ്ങളാണുള്ളത്. നദിയാ മൊയ്തുവും പാർവതി നായരുമാണ് ഈ വേഷത്തിലെത്തുക. നാസർ, സുരാജ് വെഞ്ഞാറമൂട്, ദിലീഷ് പോത്തൻ എന്നിവരാണ് മറ്റുതാരങ്ങൾ.
വരുന്ന ജൂണ് 14-ന് തീയേറ്ററുകളിലെത്തുമെന്ന് പ്രതീക്ഷിക്കുന്ന ഈ ചിത്രത്തിന്റെ സംഗീതസംവിധാനം നിര്വഹിച്ചിരിക്കുന്നത് സ്റ്റീഫന് ദേവസ്യയാണ്. മൂണ്ഷോട്ട് എന്റര്ടെയ്ന്മെന്റിന്റെ ബാനറില് സന്തോഷ് ടി കുരുവിള, ജോണ് തോമസ്, മിബു ജോസ് നെറ്റിക്കാടന് എന്നിവര് ചേര്ന്നാണ് നീരാളി നിര്മ്മിക്കുന്നത്.