കുറച്ച് പേടിയുണ്ട്. അച്ഛന്‍ പേടിച്ച് വീട്ടിൽ തന്നെ ഇരിക്കുകയാണ് - ശ്രാവണ്‍ മുകേഷ്

നടന്‍ മുകേഷിന്റെ മകന്‍ ശ്രാവണ്‍ മുകേഷ് ആദ്യമായി നായകനായി എത്തുന്ന ചിത്രം 'കല്ല്യാണം' തിയറ്ററുകളിലെത്തി.  ഇന്നലെ സിനിമ കാണാന്‍ കല്യാണച്ചെറുക്കന്റെ വേഷത്തിലാണ് ശ്രാവന്‍ എത്തിയത്.

സിനിമ തിയറ്ററുകളിലെത്തിയപ്പോൾ അച്ഛന്‍ ടെൻഷൻ കൂടി വീട്ടിൽ തന്നെ ഇരിക്കുകയായിരുന്നുവെന്ന് ശ്രാവന്‍ പറയുന്നു.  തനിക്കും കുറച്ച് പേടിയുണ്ടെന്നും എന്നാൽ സിനിമ പ്രേക്ഷകർ സ്വീകരിക്കുമെന്ന് തന്നെയാണ് വിശ്വാസ൦.  സിനിമയുടെ പ്രതികരണം അറിയാനായി അച്ഛന്‍ പേടിച്ച് വീട്ടിൽ തന്നെ ഇരിക്കുകയാണ് - ശ്രാവന്‍ മാധ്യമങ്ങളോട് പറഞ്ഞു.

രാജേഷട്ടൻ കഥയുമായി വന്നപ്പോള്‍ ആദ്യം കേട്ടത് അച്ഛനും അമ്മയുമാണ്. അവർക്ക് ഇഷ്ടമായതിന് ശേഷമാണ് കഥ കേട്ടത്. അഭിനയത്തിൽ അമ്മയുടെ സംഭാവന ഉണ്ടെന്നും അമ്മ പറഞ്ഞുതന്ന പോലെ അഭിനയിച്ചിട്ടുണ്ടെന്നും ശ്രാവൺ പറഞ്ഞു.