കുവൈറ്റ് സിറ്റി: കുവൈറ്റില് ആരോഗ്യപ്രവര്ത്തകരെ ആക്രമിക്കുന്നവര്ക്ക് കടുത്ത ശിക്ഷ ഉറപ്പാക്കുമെന്ന് അധികൃതര്. ഡോക്ടര്മാര്, നഴ്സുമാര് ഉള്പ്പെടെയുള്ള ആരോഗ്യപ്രവര്ത്തകര്ക്ക് സുരക്ഷ ഉറപ്പാക്കാന് ആരോഗ്യമന്ത്രാലയം പ്രതിജ്ഞാബദ്ധമാണെന്നും അധികൃതര് വ്യക്തമാക്കി. അടുത്തിടെ നടന്ന ചില സംഭവവികാസങ്ങളുടെ പശ്ചാത്തലത്തിലാണ് അധികൃതരുടെ പ്രതികരണം.
കഴിഞ്ഞ വെള്ളിയാഴ്ച ഡ്യൂട്ടിയിലുണ്ടായിരുന്ന ജീവനക്കാരെ ആക്രമിച്ചതുമായി ബന്ധപ്പെട്ട് റാഖ പൊലീസ് സ്റ്റേഷനില് ഒരു കേസ് രജിസ്റ്റര് ചെയ്തിട്ടുണ്ടെന്ന് സുരക്ഷാ വൃത്തങ്ങള് അറിയിച്ചു.