ഹോളിവുഡ്: നിരവധി തവണ ഓസ്കർ പുരസ്കാരത്തിന് നോമിനേറ്റ് ചെയ്യപ്പെട്ടിട്ടുള്ള ഹോളിവുഡ് നടൻ മോർഗൻ ഫ്രീമാനെതിരേ ലൈംഗിക ചൂഷണ ആരോപണങ്ങളുമായി 8 സ്ത്രീകൾ രംഗത്ത്. സിഎൻഎൻ ആണ് ഇതു സംബന്ധിച്ച അന്വേഷണ റിപ്പോർട്ട് പുറത്തുവിട്ടത്.
നിർമാണ സഹായികൾ മുതൽ റെവലേഷൻസ് എന്റർടെയ്ൻമെന്റിലെ ജീവനക്കാർ വരെയുള്ളവരാണ് പരാതിയുമായി രംഗത്തെത്തിയിട്ടുള്ളതെന്ന് സിഎൻഎൻ റിപ്പോർട്ടിൽ പറയുന്നു.
തുണി ഉയർത്തൽ, അനുവാദമില്ലാതെ സ്പർശിക്കുക, ശരീരത്തെക്കുറിച്ച് അശ്ളീല പരാമർശങ്ങൾ നടത്തുക, തുറിച്ചുനോട്ടം എന്നിങ്ങനെ നിരവധി ആരോപണങ്ങളാണ് സ്ത്രീകൾ ഫ്രീമാനെതിരേ ഉന്നയിക്കുന്നത്.
നിർമാതാവ് ലോറി മക്ക്രെറിയും മോർഗൻ ഫ്രീമാനും ചേർന്ന് 1996ൽ ആരംഭിച്ചതാണ് റെവലേഷൻസ് എന്റർടെയ്ൻമെന്റ്.
2005ൽ മികച്ച സഹനടനുള്ള അക്കാഡമി പുരസ്കാരം സ്വന്തമാക്കിയിട്ടുള്ള ഫ്രീമാൻ, നിരവധി തവണ ഓസ്കർ പുരസ്കാരത്തിന് നോമിനേറ്റ് ചെയ്യപ്പെട്ടു.