തിരുവനന്തപുരം: മുന്നാക്ക സമുദായങ്ങളില് സാമ്പത്തികമായി പിന്നാക്കം നില്ക്കുന്നവര്ക്ക് പത്ത് ശതമാനം സംവരണം നല്കുന്നതിനോട് കോണ്ഗ്രസിന് യോജിപ്പെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്.
സി.പിഎം സംവരണം നടപ്പാക്കുന്നത് തെരഞ്ഞെടുപ്പ് മുന്നില്കണ്ടാണ്. സംവരണ വിഷയത്തില് സി.പി.എം വര്ഗീയ ധ്രുവീകരണത്തിനാണ് ശ്രമിക്കുന്നതെന്നും മുല്ലപ്പള്ളി കുറ്റപ്പെടുത്തി. കോണ്ഗ്രസിന് സംവരണ വിഷയത്തില് നിലപാടില്ലെന്ന സിറോ മലബാര് സഭയുടെ വിമര്ശനത്തോട് പ്രതികരിക്കുകയായിരുന്നു അദ്ദേഹം.
കോണ്ഗ്രസിന് വെല്ഫയര് പാര്ട്ടിയുമായി യാതൊരുവിധ ബന്ധവുമില്ല. ജമാഅത്തെ ഇസ്ലാമിയുമായി ഒരു കാലത്തും കോണ്ഗ്രസ് ധാരണയുണ്ടാക്കിയിട്ടില്ല. ആര്.എസ്.എസും ജമാഅത്തെ ഇസ്ലാമിയും തീവ്രവര്ഗീയതയുടെ രണ്ട് മുഖമാണെന്നും കോണ്ഗ്രസ് നിലപാടാണ് താന് പറയുന്നതെന്നും മുല്ലപ്പള്ളി രാമചന്ദ്രന് പറഞ്ഞു.
മുന്നാക്ക സംവരണ വിഷയത്തില് കേരളത്തിന്റെ പ്രത്യേക സാഹചര്യത്തില് പാര്ട്ടിയില് വിശദമായ ചര്ച്ച നടക്കണമെന്ന് മുതിര്ന്ന കോണ്ഗ്രസ് നേതാവ് കെ.വി തോമസ് പറഞ്ഞു. മുന്നണി സംവിധാനമുള്ള സംസ്ഥാനമാണ് കേരളം അതിനാല് മുന്നണി സംവിധാനത്തെ കൂടി സംരക്ഷിക്കേണ്ട ബാധ്യത നേതൃത്വത്തിനുണ്ടെന്നും അദ്ദേഹം പറഞ്ഞു.