പീഡനം തടയാന്‍ റേപ്പ്-പ്രൂഫ് അടിവസ്ത്രം ! ഇന്ത്യക്കാരി പെണ്‍കുട്ടി കണ്ടുപിടിച്ച അടിവസ്ത്രത്തിന് പ്രത്യേകതകള്‍ നിരവധി

ന്യൂസ് ബ്യൂറോ, ഡല്‍ഹി
Friday, January 12, 2018

സ്ത്രീകള്‍ക്കു നേരെയുള്ള ലൈംഗികപീഡനങ്ങള്‍ നാള്‍ക്കു നാള്‍ കൂടിവരികയാണ്. ഭരണകൂടവും പോലീസും എത്ര പ്രയത്‌നിച്ചിട്ടും ലൈംഗികാതിക്രമങ്ങള്‍ക്ക് തടയിടാന്‍ ഇതുവരെ കഴിഞ്ഞിട്ടില്ല. എന്നാല്‍ അടുത്തിടെ ഉത്തര്‍പ്രദേശിലെ ഫറൂഖാബാദ് സ്വദേശിയായ പെണ്‍കുട്ടി ഈ മേഖലയില്‍ ഒരു വിപ്ലവകരമായ കണ്ടുപിടിത്തം തന്നെ നടത്തിയിരിക്കുകയാണ്. ബലാത്സംഗം തടയാന്‍ വേണ്ടി ആധുനിക സാങ്കേതിക വിദ്യ ഉപയോഗിച്ച് തയാറാക്കിയ അടിവസ്ത്രമാണ് സീന കുമാരിയെന്ന പെണ്‍കുട്ടി സ്വന്തമായി വികസിപ്പിച്ചെടുത്തത്.

‘റേപ്പ് പ്രൂഫ്’ എന്നറിയപ്പെടുന്ന ഈ അടിവസ്ത്രത്തില്‍ ഒരു ലോക്ക്, ജിപിഎസ്, വിഡിയോ ക്യാമറ എന്നിവ ഘടിപ്പിച്ചിട്ടുണ്ട്. പാസ്‌വേഡ് ഉപയോഗിക്കാതെ അടിവസ്ത്രത്തിലെ ലോക്ക് തുറക്കാന്‍ കഴിയില്ല. ജിപിഎസ് സംവിധാനം കുടുംബത്തിനും പൊലീസിനും സ്ഥലത്തെ കുറിച്ചുള്ള വിവരങ്ങള്‍ കൈമാറും.

വിഡിയോ ഫീച്ചര്‍ വഴി ആക്രമിയുടെ മുഖം ഡിവൈസില്‍ ഓട്ടോമാറ്റിക് ആയി റെക്കോര്‍ഡ് ചെയ്യപ്പെടും. ബുള്ളറ്റ് പ്രൂഫ്, കട്ട് പ്രൂഫ് മെറ്റീരിയല്‍ കൊണ്ടാണ് അടിവസ്ത്രം നിര്‍മ്മിച്ചിരിക്കുന്നത്. ഇന്ത്യന്‍ മാര്‍ക്കറ്റില്‍ 4300 രൂപയാണ് ഈ അടിവസ്ത്രത്തിന്റെ വില. പൊതു മാര്‍ക്കറ്റില്‍ ഉല്‍പ്പന്നം എത്തിക്കാനാണ് സീനയുടെ പദ്ധതി.

×