ഡല്ഹി: ഡല്ഹിയിലെ മുതിര്ന്ന മാധ്യമ പ്രവര്ത്തകന് അനൂപ് കുമാര് അന്തരിച്ചു. പുതുവര്ഷം ആഘോഷിക്കാന് മണാലിയിലേക്ക് വിനോദയാത്ര പോയ അനൂപ് മണാലിയില് വച്ച് ഹൃദയാഘാതത്തെ തുടര്ന്നാണ് അന്തരിച്ചത്.
എറണാകുളം സ്വദേശിയാണ്. ഡല്ഹിയിലെ ബഹ്റൈന് എംബസി ജീവനക്കാരിയായ ദീപയാണ് ഭാര്യ. ഒരു മകനുണ്ട്. മൃതദേഹം ചണ്ഡിഗഡ് വഴി മൈസൂരില് എത്തിക്കും. സംസ്കാരം മൈസൂരില് നടക്കും.
ഇ ടിവിയിലൂടെയായിരുന്നു അദ്ദേഹം ഡല്ഹിയില് മാധ്യമപ്രവര്ത്തക രംഗത്ത് സജീവമായത്. ഇംഗ്ലീഷ്, ഹിന്ദി, മലയാളം, കന്നഡ, തമിഴ്, തെലുങ്ക് ഭാഷകളില് പ്രാവീണ്യം ഉണ്ടായിരുന്ന അനൂപ് ടൈംസ് നൌവിലും പിന്നീട് ഇന്ത്യാ ടുഡേയിലുമായി ദേശീയ തലത്തില് ഡല്ഹിയിലെ മാധ്യമ പ്രവര്ത്തന രംഗത്ത് നിറസാന്നിധ്യമായി.