ദുബായ്: ഫുജൈറയിൽ ഒരു വീട്ടിലെ ഏഴ് കുട്ടികൾ വീടിന് തീപിടിച്ച് പുക ശ്വസിച്ച് മരിച്ചു. 5നും 15നും ഇടയിലുള്ള 4 ആൺകുട്ടികളും 3 പെൺകുട്ടികളും ആണ് മരണപ്പെട്ടത്.
പുലർച്ചെ തീപിടിത്തം കണ്ട് മാതാവ് പോലീസ് കൺട്രോൾ റൂമിൽ വിവരമറിയിക്കുകയായിരുന്നു. ഉടൻ ഫുജൈറ ദിബ്ബയിൽനിന്നുള്ള രക്ഷാദൗത്യസംഘം സംഭവസ്ഥലത്തേക്ക് എത്തിയെങ്കിലും വീട്ടിൽ ഉറങ്ങിക്കിടക്കുകയായിരുന്ന കുട്ടികള് പുക ശ്വസിച്ച് മരിച്ചിരുന്നു.
വീടിന്റെ ഒരു ഭാഗം കത്തിനശിച്ചിട്ടുണ്ട്. അൽ സുറൈദി കുടുംബത്തിലാണ് ദുരന്തം. നാല് പെൺകുട്ടികളും മൂന്ന് ആൺകുട്ടികളുമാണ് മരിച്ചത്. കുട്ടികളുടെ മൃതദേഹം ദിബ്ബ ആശുപത്രിയിലേക്ക് മാറ്റി.