ആ കാര്യം സ്ത്രീകളോട് മാത്രമേ പറയാന്‍ പറ്റൂ, ഇരട്ടി പ്രായമുള്ള മമ്മൂട്ടിയോടും മോഹന്‍ലാലിനോടും പറയാന്‍ പറ്റുമോ? പത്മപ്രിയ ചോദിക്കുന്നു

തന്റെ അഭിപ്രായം എന്തായലും അത് വെട്ടിത്തുറന്ന് പറയാന്‍ ഒരു മടിയുമില്ലാത്ത താരമാണ് പത്മപ്രിയ. അതിപ്പോള്‍ ആരെക്കുറിച്ചാണെങ്കിലും താരത്തിന് പേടിയില്ല. തമിഴ് സിനിമയില്‍ അഭിനയിക്കുന്ന സമയത്ത് സഹപ്രവര്‍ത്തകരുടെ അടി വാങ്ങിയിട്ട് അതും കൊണ്ട് വീട്ടില്‍ പോയില്ല, സംഘടനയില്‍ ഉള്‍പ്പടെ പരാതിപ്പെട്ട് അതിനുള്ള പരിഹാരവും കണ്ടിട്ടേ താരം അടങ്ങിയുള്ളു.

സിനിമയിലെ കാസ്റ്റിംഗ് കൗച്ചിനെക്കുറിച്ച് താരത്തിന്റെ അഭിപ്രായം ഇങ്ങനെയായിരുന്നു ‘അങ്ങനെയുള്ള നടിമാരുടെ കൂടെ കിടക്കുന്ന നടന്മാരെക്കുറിച്ച് എന്ത് പറയണം’ എന്നായിരുന്നു താരം വിഷയത്തില്‍ പ്രതികരിച്ചത്.

കൂടാതെ കൊച്ചിയില്‍ ആക്രമിക്കപ്പെട്ട നടനെയും നടിയെയും തനിക്കറിയാമെന്നും, അവരുടെ മാനസികാവസ്ഥ മനസിലാകണമെങ്കില്‍ അത്തരം ഒരു അവസ്ഥയിലൂടെ പോയെങ്കില്‍ മാത്രമേ സാധിക്കുകയുള്ളു എന്നുമായിരുന്നു താരം പ്രതികരിച്ചത്.

ഒരു സിനിമ സെറ്റില്‍ കുറച്ച് മാത്രമേ സ്ത്രീകള്‍ ഉണ്ടാകുകയുള്ളുവെന്നും പലപ്പോഴും സ്ത്രീകള്‍ക്ക് നേരിടേണ്ടി വരുന്ന ശാരീരിക പ്രശ്‌നങ്ങള്‍ പങ്കുവെയ്ക്കാന്‍ പോലും ആരുമുണ്ടാകാറില്ലെന്നും പത്മപ്രിയ പറയുന്നു

ചില കാര്യങ്ങള്‍ സ്ത്രീകളോട് മാത്രമേ പറയാന്‍ കഴിയൂ, ഷൂട്ടിങ് സെറ്റിലെങ്ങാനും വെച്ച് പീരീഡ്‌സ് ആണെന്ന് തോന്നിയാല്‍ ഒരു സ്ത്രീയോട് മാത്രമേ അക്കാര്യം പറയാന്‍ കഴിയൂ. അല്ലാതെ തന്നെക്കാള്‍ ഇരട്ടി പ്രായമുള്ള മമ്മൂക്കയോടോ മോഹന്‍ലാലിനോടോ ഇക്കാര്യം പോയി പറയാന്‍ പറ്റുമോ എന്നും താരം ചോദിക്കുന്നു.