കമ്യൂണിസ്റ്റ് വനിതകളുടെ ജനനേന്ദ്രിയത്തില്‍ വെടിയുതിര്‍ക്കൂ – പട്ടാളത്തോട് ഫിലിപ്പീന്‍സ് പ്രസിഡണ്ട്‌

പ്രകാശ് നായര്‍ മേലില
Wednesday, February 14, 2018

വളരെ വിവാദപരമായ നടപടികളും പ്രസ്താവനകളും കൊണ്ട് പ്രസിദ്ധനായ ഫിലിപ്പീന്‍സ് പ്രസി ഡണ്ട്‌ Rodrigo Duterte ഇപ്പോള്‍ പുതിയൊരു പ്രസ്താവ നയുമായി രംഗത്ത് വന്നിരിക്കുന്നു.

ഒളിപ്പോരാളികളായ കമ്യൂണിസ്റ്റ് വനിതകളെ കയ്യില്‍ക്കിട്ടിയാല്‍ അവരുടെ ജനനന്ദ്രിയത്തില്‍ തന്നെ വെടിവെക്കാന്‍ അദ്ദേഹം പട്ടാളത്തിനു നിര്‍ദ്ദേശം നല്‍കിയിരിക്കുകയാണ്.

നിരോധിത ഫിലിപ്പീന്‍സ് കമ്യൂണിസ്റ്റ് പാര്‍ട്ടിയുടെ രഹസ്യ വിംഗ് ആയ ന്യൂ പീപ്പിള്‍സ് ആര്‍മി യും പട്ടാളവും തമ്മിലുള്ള രക്തരൂക്ഷിത പോരാട്ടത്തില്‍ പട്ടാളക്കാര്‍ മരിച്ചു വീഴുന്നതുമായി ബന്ധപ്പെട്ടാണ് അദ്ദേഹത്തിന്‍റെ ഈ പുതിയ പ്രസ്താവന വന്നിരിക്കു ന്നത്. കമ്യൂണിസ്റ്റ് വനിതാ ഗറില്ലകള്‍ അടുത്തിടെ നടത്തിയ ആക്രമണങ്ങളില്‍ അനേകം പട്ടാളക്കാര്‍ കൊല്ലപ്പെട്ടിരുന്നു .

മനീലയില്‍ ഹീറോസ് ഹാളില്‍ തീവ്രവാദം ഉപേ ക്ഷിച്ചു കീഴടങ്ങിയ 48 വനിതാ ഗറില്ലകളെ പുനരധിവസിപ്പിക്കുന്ന ചടങ്ങില്‍ പ്രസംഗിച്ചു കൊണ്ട് പ്രസിഡണ്ട്‌ റോഡ്രിഗോ ആഞ്ഞടിച്ചു ..

” കമ്യൂണിസ്റ്റ് വനിതാ ഗറില്ലകള്‍ കുടുംബം ഉപേക്ഷിച്ചവരാണ്,അവരോട് ഒരു ദയയും പാടില്ല. അവരെ കയ്യില്‍ കിട്ടിയാല്‍ ഉടന്‍തന്നെ അവരുടെ യോനിയിലേക്ക് തന്നെ വെടിയുതിര്‍ക്കുക. അങ്ങനെ അവരുടെ ശിഷ്ടകാലം അവര്‍ ആര്‍ക്കും വേണ്ടാത്തവരായി കഴിഞ്ഞുകൊള്ളും. പട്ടാളത്തിനു ഇക്കാര്യത്തില്‍ ഞാന്‍ പൂര്‍ണ്ണസ്വാതന്ത്ര്യം നല്‍കുന്നു..” ഇതായിരുന്നു അദ്ദേഹത്തിന്‍റെ വാക്കുകള്‍.

ഫിലിപ്പീന്‍സ് പ്രസിഡണ്ട്‌ ന്‍റെ പ്രസ്താവനക്കെതിരെ ലോകമെമ്പാടുമുള്ള വനിതാ സംഘടനകളും മനുഷ്യാവകാശ പ്രവര്‍ത്തകരും പ്രതിഷേധവുമായി രംഗത്തെത്തിക്കഴിഞ്ഞു.

×