/ "publive-image")
വിയന്ന . വിയന്ന മലയാളി അസോസിയന്‍ ഈ വര്‍ഷത്തെ ഓണാഘോഷങ്ങള്‍ക്ക് പകരം ജീവകാരുണ്യ സംഗമം നടത്തും ഇതിലൂടെ പിരിഞ്ഞു കിട്ടുന്ന അത്രയും പണം ദുരിത മേഖലയിലേക്ക് നല്‍കി ദുരിതാശ്വാസ പ്രവര്‍ത്തനങ്ങളില്‍ പങ്കാളികളാകും .
നേരത്തെ നിശ്ചയിച്ചിരുന്ന പോലെ അഗസ്റ്റ് 25 ന് വൈകുന്നേരം വിയന്നയിലെ ലീസിന്ഗേര്‍ പ്ലാറ്റ്സ്സില്‍ ജീവകാരുണ്യ സംഗമം നടക്കും . ജീവകാരുണ്യ സംരംഭത്തിന് നിരവധി കലാകാരന്മാര്‍ വിവിധ പരിപാടികള്‍ അവതരിപ്പിക്കും .
പ്രിയപ്പെട്ട മലയാളി സുഹൃത്തുക്കളെ, മനുഷ്യ മനസാക്ഷിയെ പിടിച്ചുകുലുക്കിയ മഹാ പ്രളയം കേരളത്തെ മുക്കിക്കൊണ്ടിരിക്കുന്ന ഈ അവസരത്തില്‍ ജീവകാരുണ്യ സംഗമം നടത്തി ,ജീവകാരുണ്യ പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്ന നമ്മുടെ സഹോദരങ്ങള്‍ക്ക് കൈത്താങ്ങാകുവാനും അതിലുപരി നമ്മുടെ ഉറ്റവര്‍ക്ക് സഹായമെത്തിക്കുന്നതിന് വിയന്ന മലയാളി അസോസിയേഷന്‍ തീരുമാനിച്ച വിവരം അറിയിക്കട്ടെ.
ഈ മഹാ ദുരന്തത്തെ എങ്ങനെ നേരിടണമെന്നറിയാതെ പകച്ചു നില്‍ക്കുന്ന നമ്മുടെ പ്രിയപ്പെട്ടവര്‍ക്ക് ഒരു നേരത്തെ ആഹാരത്തിനും അതിലേറെ ഒരിറ്റ് ജീവജലം നല്‍കുന്നതിനും നമ്മുടെ ഈ വര്‍ഷത്തെ പരിപാടികള്‍ മാറ്റിവയ്ക്കട്ടെ.
ഇതിനെ ഒരു പരിപാടി എന്ന് പറയുവാന്‍ ഞങ്ങള്‍ ആഗ്രഹിക്കുന്നില്ല. മറിച്ച്, നമ്മുടെ ഉറ്റവരെ ജീവിതത്തിലേക്ക് തിരികെ കൊണ്ടുവരുവാന്‍ നടത്തുന്ന വി എം എയുടെ എളിയ സംരംഭമായി കണ്ട് ലീസിന്ഗേര്‍ പ്ലാറ്റ്സ്സില്‍ നടക്കുന്ന ഈ ജീവകാരുണ്യ പ്രവര്‍ത്തനത്തില്‍ പങ്കെടുത്ത് കഴിയുന്ന സഹായം നല്‍കുവാന്‍ എല്ലാ സുഹൃത്തുക്കളോടും വി എം എയ്ക്ക് വേണ്ടി അഭ്യര്‍ഥിക്കുന്നു.
അഗസ്റ്റ് 25 ന് വൈകുന്നേരം വിയന്നയിലെ ലീസിന്ഗേര്‍ പ്ലാറ്റ്സ്സില്‍ നടക്കുന്ന ഈ കൂട്ടായ്മയിലേക്ക് ഏവരെയും സ്നേഹപൂര്‍വ്വം ക്ഷണിക്കുന്നതായി , ആര്‍ട്സ് ക്ല്ബ് സെക്രട്ടറി ഷാജന്‍ ഇല്ലിമൂട്ടില്‍ , പ്രസിഡന്റ്റ് രാജന്‍ കുറുന്തോട്ടിക്കല്‍ , സെക്രട്ടറി ജോര്‍ജ് ഞോണ്ടിമാക്കിലും അഭ്യര്‍ഥിച്ചു.
Follow Us/sathyam/media/agency_attachments/5VspLzgrB7PML1PH6Ix6.png)
